شـــــايـــمــه
[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
البارحه عيني عن النوم شايمه=كنها عن المنام بالليل صايمه
والقلب ماللعوعات كثرت همومه=والنفس في بحر من الحزن عايمه
تورد هموم القلب في كل ساعه=كما ورد قطعان من الذود حايمه
الهم في قلبي تمركز وضامني=بين الضلوع العوج بنّى مخايمه
سهرت ليلي والدموع تهامل=على خدودي والمخاليق نايمه
سبة زمان شفت فيه المصايب=هذا الزمان اللي تشيّب علايمه
وقت يهين الروس ويعز غيرها=وكم من سنافي يحطم عزايمه
فيه الشجاع منزل الراس خاضع=وفيه الردي ياناس كبرت عمايمه
ياوقت وش اللي بلاك ابتليتني=صارت جميع اجواي بالعين غايمه
وكم واحد يشكي م الوقت غيري=مثلي بلاه الهم والوقت ضايمه
فلو جارت الايام وشتد جورها=الطيب لهل الطيب تبقى عنايمه
الطيب يشرى بالعلوم الجميله=والا الردى خسران خسران سايمه
تمت وصلى الله على سيد الملا=اعداد ماهبت ذوراي نسايمه[/poem]