حبيب العازمي
سلامي على ال سعود وضيوف لب سعود
سلام بمسك ورد نسمة هبوبه
وطنا واهلها منبع العز والجود
ودحر المعادي كان شبت شبوبه
ابن شايق
انا بالنيابه قمت والخير موجود
عن الاسره الي ضيفهم رحبوبه
وطنا مجندنا ةحنا له حنود
على السلم سلم وللمشاكل عقوبه
حبيب العازمي
ترى العاقل الي يعرف النقص والزود
قبل لا يعرف الدار يعرف دروبه
بذلنا على وجه النقا كل محهود
لكن انت لابدك تلاقي صعوبه
ابن شايق
ترى العاقل الي ياخذ الحق بشهود
ونفسك على الطرقه ماهي بمغصوبه
ليا صار في الميدان حاوي ةمردود
انا اصل العرب واصلي يعرف العروبه
حبيب العازمي
ليا قلتها قلت لك ماني بمحدود
ولكن داب الغار ينفخ ذروبه
زمان مضى والناس طارد ومطرود
كثير العرب ناخذ شماغه وثوبه
ابن شايق
توقع ترى في اللعب نار وبارود
وراع العيوب اصد ما اكشف عيوبه
انا اقول ليل قربك جعله يعود
وانا خابر قلبك يحسب ذنوبه
حبيب العازمي
رصاص المقمع صفر ما فيه عمرود
ولا يشفي الغازين لو حاربوبه
انا اقول صعبه طقة العود بالعود
ولكن حاسب والعلوم محسوبه
ابن شايق
كثير العرب لو مات ماهو بمفقود
وانا يوم جيت السوق شفت الجلوبه
اشهد عليك احمد وحماد وحمود
ا رضيك وانت اتصد منته بصوبه
حبيب العازمي
ياراع المنيحه ردها لاخر الذود
تبا تحتلبها مير جتك محلوبه
زمان الهوايل يجمع البيض والسود
ودوب الهوايل جات والوقت دوبه
ابن شايق
ياويلك من الي صار والباب مسدود
ترى راعي الساحل يعرف الرطوبه
انا لي يمين ودين ووعود وعهود
لا اقوم اتعجبك واحطك عحوبه

__________________
سعد ابن دغثم

وووووووووووووووووووووو



لك الشكر يالغالي

__________________

لاهنت يا القرم على النقل الرائع جعل يمنآك ماتعطب ..

وصح الله السان ولسان ابن شايق وابو فيصل ..

تقبل مروري نفداك ..

وفي انتظار المزيد ولا تحرمنا ياكحيلآن ..

__________________

الله لايهينك ياسعد على النقل الطيب


تقبل مروري

لاهنت يا القرم على النقل الرائع جعل يمنآك ماتعطب ..

وصح الله السان ولسان ابن شايق وابو فيصل ..

تقبل مروري نفداك ..

__________________

الله يعطيك العافيه ع الطرررح



وابن شايق .. الشهاده فيه مجررررررررروحه



ومضه ..


انا لي يمين ودين ووعود وعهود
لا اقوم اتعجبك واحطك عحوبه

لاهنت يا ابن دغثم

__________________