فنجال الغلا خولاني

بسم الله الرحمن الرحيم
هذه القصيدة كتبتها قبل حوالي ساعة من نزولها هنا وهي فقط في منتديات قحطان
مناسبتها إن فيه ابن عم لي عزيز جدا ومبتعث في بريطانيا لإكمال دورات متقدمة في العلوم العسكريه وهو برتبة نقيب في اللواء الرابع . وتفاجأت إنه عضو معنا في منتديات قحطان بعد مكالمة تليفون جرت بيني وبينه .
وهو الذيب الاشيب
شكى الرجال الغربه وبُعده عن الشيبان وعن الجنوب بالذات بعد الأمطار وأسند شكواه علي .
فكتبت هذه الأبيات لعلها تنال القليل من رضاكم .

[poem=font="Arial,5,black,bold,normal" bkcolor="transparent" bkimage="backgrounds/19.gif" border="none,4,gray" type=1 line=0 align=center use=ex num="0,black"]
بسم الله الهادي عظيم الشاني=أبدا بصوغ الشعر والقيفاني
وأرتب بيوتي واجيب اطيبها=من هاجسٍ لما ورد ظمياني
ما يشرب إلا من زلالٍ صافي=ولا يصّدر كود هو روياني
يا مرحبا بالصاحب المتغّرب=اعداد ماهب الهواء الأغصاني
يا مرحبا باللي مقامه وافي=باغلى القرايب واصدق الصدقاني
يا مرحبا بك من هنا لي عندك=ترحيبة الكرمان بالكرماني
تشكي من الغربه ومن لوعتها=ومن ديرة أهل الغي والعصياني
ياخوك لا تبدي الندم والضيقه=مثلك يروس القوم والشجعاني
مارحت في غربة سياحة سايح=إلا تبي الطالة مع الظفراني
ولاهي بغربة عمر يا بو محمد=غربة سنة وتعود للأوطاني
لا جيت ربعك غاليٍ ومعزز=ويساق فنجال الغلا خولاني
وأن رحت قالوا بيض الله وجهه=معرّب الجدين والسيساني
جاب الشهادة والنجوم انجومه=يشرف انجومه وهو قحطاني
من لابة وقت الملاقى لابه=ما هي بتهاب الحرب والعدواني
صبيان ابن مكرع نهار الهوشه=لطامة العايل زبون الجاني
فيا بو محمد لا تكدر بالي=اللي يحسك حسّني واشقاني
لابد من يوم تسج أقدامك=في ديرة رويت من الوداني
مع نشاما قربهم عزلك=شيبانك اللي هم بعد شيباني
وتنسى محاسيس الزمان وتسلى=ويبقى مقام الطيب ماهو بفاني
هذي تعابير الرفيق المخلص=أخوك لاصتكت بك الجيلاني
يسوقها بالعود الأزرق صوبك=مع الخزام وفوحة الريحاني
عسى بيوتي لك تهوّن همك=وألا تسلي الخاطر العمساني
وصلاة ربي كل يوم وليله=واعداد ماهب الهواء الأغصاني[/poem]

__________________

__________________

ارحب يابحر




وصح بدنك ولا عليك ولا على الطيبين زود


ومرورك غالي من غلاك وجعل عمرك طويل على طاعته




وافر شكري وتقديري على مرورك الغالي



أخوك

__________________

__________________

لسماع قصائد الشاعر : سعيد بن مانع
اضغط هنا

ارحب يابو مانع



مرورك غالي من غلاك



وكلامك يزيدني فخر لاعدمتك

__________________

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من لابة وقت الملاقى والجهل= ما هي بتهاب الحرب والعدواني
صبيان ابن مكرع مقابيس الدجى= لطامة العايل وريف العاني[/poem]

وستين نعم


ياوجه ولد الحارث


صح لساااااااااااانك يا ابومريع وابن عمك يستاهل العلم الغانم



وانت تفعله



طال عمرك


ولا هنت يا كحيلان


والله يجيب الذيب الاشهب سالم غانم


تحياتي وتقديري يا كحيلان

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

ماعليك زود يابو سعود وصح بدنك ومرورك غالي من غلاك




لك شكري وتقديري

__________________

أخوي ابراهيم بن مريع


صح لسانك وسلم فكرك واعـتـلا شانك وبيض الله وجهـك


قصيده جزله ومن شاعر جزل ومتمكن


رايعـه بروعـة حضورك المميز


يرجع ابو محمد سالم وغـانـم وهو وشرواه من الرجال يرفعون الراس غربته للمرجله



لك فاااائق احترامي وتقديري

__________________
[poem font="Simplified Arabic,5,black,bold,normal" bkcolor="transparent" bkimage="backgrounds/14.gif" border="none,medium,gray" type=2 line=0 align=center use=ex num="0,black"]
ماهو بعيب على الرجـال لأ وقـف = مع ابن عمه أو اصحابه وصدقانه

لا والله العيـب لأ مـن قـام يتلقـف = وخـذا يـردد هـروجٍ مـا لهـا خانـه[/poem]

000000 مهدي الحبابي 000000

ارحب يابو مسفر وصح بدنك ومرورك غالي من غلاك جعلني ماعدمك







أخوك ومغليك

__________________

صح لسانك

ويرجع بالسلامه

سجل اعجابي وتقديري