((ديوان الدرر والجواهر من الادب الفاخر)) للشاعر سعيد بن علي ال برمان الحبابي
[frame="7 80"]
ديوان الدرر والجواهر من الادب الفاخر
صدر مؤخرا (ديوان الدرر والجواهر من الادب الفاخر) للشاعر سعيد بن علي ال برمان الحبابي والذي نبدا بنبذه مختصره عن مولف هذا الديوان
هو سعيد بن علي بن كردم ال برمان الحبابي القحطاني نشاء وترعرع في الباديه بالمنطقه الجنوبيه ثم انتقل منها الي الرياض وعمل موظفا حكوميا وأستطاع أن يجمع بين العمل الوظيفي والعمل الأدبي والمعروف بابن برمان وهو المؤرخ والشاعر والكاتب عن قبيلته الحباب وغيرها منذ سنين طويله حيث أصدر من الكتب والدواوين الشعريه مايلي :_
(1) ديوان (شعراء من الحباب نظم وجواب )الطبعه الأولي عام 1409هــ
(2) ديوان( ابن برمان) قصائد نبطيه مختارة الطبعه الأولي 1416هــ
(3) ديوان (شعراء من الحباب نظم وجواب)مضافآ اليه نبذه تاريخية عن عاداتهم وبلادهم والأنساب الطبعه الثانية عام 1422هــ
(4) ديوان (القصص والأشعر الشهيره لنخبه من شعراء الجزيره) الطبعة الأولي عام 1426هــ
(5) ديوان (الدرر والجواهر من الأدب الفاخر) الطبعة الأولي عام 1429هـ ( ديوننا هذا )
وله عدد من الكتب تحت الطبع عن قبيله الحباب وقبائل قحطان كافه ، عن عاداتهم وأنسابهم وبلادهم وفرسانهم وشيوخهم وعوارفهم وشعراءهم ماضيا وحاضرا
كما ان الشاعر خدم الوطن وقال معظم شعره في وطنه ودولته المملكه العربيه السعوديه وملوكها وأمراءها الأوفياء حفظهم الله وكذلك خدم قبليته العريقه قبيله الحباب من خلال التأليف والنشر والمشاركات في وسائل الاعلام المسموعة والمقروءة والمشاهدة علي مدى 35 عام
من تخصصاته
*كاتب وباحث في التريخ والتراث والأنساب والجغرافيا وغيرها
*ينظم الشعر النبطي العامي منذ سن الشباب المبكر
*راوي ويحفظ الأنساب والعادات والتقاليد والسلوم القديمه لكثير من قبائل الجزيره العربيه الحاضرة والماضية
هذه نبذه مختصره عن شاعرنا اما بالنسبه للديوان (الدرر والجواهر من الأدب الفاخر) فهو ديوان مميز ومطبوع طباعه فاخره جدا ومكون 215 صفحة يتظمن الاهداء ومقدمة رائعه وكلمة المؤلف ويحتوي علي اربعه ابواب الباب الأول القصائد الوطنية والمدح والباب الثاني قصائد الحكمة والنصح والرثاء الباب الثالث قصائد المراسلات والغزليات والباب الرابع أبيات المجاراه وصوت الصوره واللغز وحله وقد نشرت بالصحف المحليه الرياض والجزيره
المرسلات في هذا الديوان لها نصيب الاسد ومن الشعراء الذي لهم مراسلات مع المؤلف
الشاعر سالم بن حمود بن طفاس الخنفري
الشاعر حسين بن شتوي الحبابي
الشاعر والشيخ عوض الله بن عويض السلمي
والشاعر علي بن هادي حسن ال برمان القحطاني
الشاعر جروان بن محمد ال عاطف القحطاني
الشاعر سعيد بن حمود الشيباني العتيبي
الشاعر سعد بن مطر البقمي
الشاعر مبارك بن محمد الرمثين الشهراني
اخترنا لكم مقتطفات من ديوان (الدرر والجواهر من الأدب الفاخر)
ابيات ضمن قصيده طويله ص 16 من الديوان
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم ربي عظيم الشأن منشي السحاب =أبتدي والمثايل زان طاروقها
واطلب الله ولعل الدعاء يستجاب=يغفر اذنوب نفس طيب ذوقها
في نظام المثايل عارف كل باب =ابتدعها علي معناي واسوقها
واصخر الشعر لوكان القوافي صعاب =من سمان السوالف ناخذ عذوقها
الي ان يقول
الكنوز الثمينه يحتويها الكتاب =والدرر من موثّقها وماثوقها
من تراث النشاما والمعاني عذاب = كالجواهر لامنّه فكّ صندوقها
ربعي اهل الوفاء والجود جمع الحباب =ودّي أذكّر اللي يجحد احقوقها[/poem]
الي نهايه القصيده
وله ابيات من قصيده في المدح ص 35 ناخذ منها ابيات والقصيده طويله
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بعض المواقف جذبنا لين غنينا= ذكّر علي القلب طاروقه ومنهاجه
وندّور القرم وتعبنا له وجينا = اللي يسد اللزوم ويقضي الحاجه
ساعه وصلنا الي بيته تقهوينا = والعود الازرق وذكي خيرة نعاجه
ثم قال حنا حضور ومستعدينا =قام الحبابي مقام يرفع احجاجه [/poem]
قصيده للشاعر حسين بن شتوي الحبابي
موجه للشاعر سعيد بن علي بن كردم ال برمان الحبابي
بعد دعوه ابوعلي له للمشاركه في ديوان يخص قبيله الحباب
[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا هلامرحـــبا بك يابن عمي سعيد=بعد ماجتني الدعــوة ولبيتهـا
عد ما ذعذع الغربـــي وهزالجريد=والحقيقه تري ياما تحريتــهـا
غير وصـــلت ويوم جابها يوم عيد= وجات عندي وحيتني وحييتهـا
لاجل دعوتك نرسل لك خيار القصـيد=من خيـار القصيد اللي تنقيتها
قاله اللي مـن اهل المعرفه يستفــيد =والمعرفه ماتلقي غير في بيتها
وانت ابن عمي الغـالي وشورك سديد =وانت من رؤس قوم بين صيتها
تحفـظ تراث جدانـك قديـم وجديـد=وكلمه الشكر حـقك واستحقيتها
كل يوم عمل وتقـتول هل من مزيـد =والتواريـخ تفخر فيك واحييتها
واعرفك شاعر وافـي وعندك رصيد =والمشاكل يابـن كردم تحد يتها
ومني ازكي تحـيه تاصـلك من بعيد =يارفيـق فعـولـه ماتناسيتهـا[/poem]
وهذا الرد من الشاعر سعيد بن علي بن كردم الحبابي
[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
في البدايه طلبت الله الحميد المجيد=طلبتك ياعظيم الشان بديتها
خالق الخلق يامحيي العظام الهميد=بامرك احييتها يارب وتميتها
انت جزل العطايا ماعطاك ابزهيد=ماتمن العطايا كل من ما اعطيتها
يالله تجعل لي الميقاف موقف شهيد=وانك تقبل صلاتي يوم صليتها
يوم تاقف ملايين البشر في الصعيد= والبريه علي الاعمال جازيتها
بعد هذا بعثت رسالتي بالبريد= لابن شتوي مع المندوب وديتها
تحمل اجمل سلام بالموده فريد=والتحيه لمن يستاهل اهديتها
شاعر مثل سيف الهند حده حديد= لوشباته علي الحدين حديتها
يعجب العين ويجي لك علي ماتريد= تعجبك سلته لمنك سليتها
يابن شتوي غلاكم في الضماير يزيد= واعجبتني قصيدتك وتمليتها
وصفها بالمثايل مثل طلع النضيد= قمه الشعر باشعارك تعليتها
ياحسين الوفي ياشوق غض النهيد= دون غيرك تمنتك وتمنيتها
دعوتي لك وللي لابن عمه سنيد= وباقي الناس والله ماترجيتها
في كلامك صدقت ولال قولك جحيد=ماتخّيب ظنون فيك ظنيتها
انت مشكور ياللي في عملنا تشيد=والعناوين باسماها وسميتها
ابن عم شجاع فيه نخوه وجيد=فيه سويت قيفاني وغنيتها
صغتها بالذهب لاينتقدها نقيد= من خلاصه انتاج الفكر سويتها
في ضميري كما نار حطبها وقيد =بعد ماولعوا فيها بكبريتها
والسبب عالم طاعت ابليس المريد=والتفاكير عنتني وعنيتها
خلت لي نوه تبرق وترعد رعيد=ليتها اسقت امحول بلادنا ليتها
راح جيلا وانا حزني عليهم شديد=لاجلهم ونتي بالحيل ونيتها
باسم جمع الحباب اللي توطي العنيد =لابه تلطم العايل نعاتيتها
منهجي واضح بين المناهج واكيد=فكره البحث والتدوين ما اخفيتها
منهج عنه الاقلام الجريه تفيد=عبر الاعلام بالعينين كم ريتها
لي ثلاثين عام حسبه وتعديد= خدمه الشعر والتاريخ عديتها
وفاز بالفزعه اللي جعل عمره مديد =والتهاني لراعي الفوز زفيتها
يسلم اللي للاهداف الصعيبه يصيد=مابعد قيل له شارتك واخطيتها
ماتعذر يكون اللي فواده بليد= شمعه افكار راسه طافي ليتها
للمشارك دعيته واحسب انه رشيد= واثر اذانيه صقهى يوم ناديتها
ماحسبنا حسابه جعل حاله يبيد= قصته ماتفيد الى تقصيتها
تمت بذكر من هو للمخاليق سيد= وبالسلام اختم الابيات وانهيتها[/poem]
وكذلك قصيده اخري في غرض المدح صفحه 38
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
سلامي وثنوبه لأبوفيصل العماج = سلام نكلف به جميع المناديبي
سلامي علي اللي في المواقف طليق حجاج =كما قيل في الأمثال ذيب ولد ذيبي
ولد شيخ وفوف متنه مقص وتاج =ترقى علي حسب الثقه من المعازيبي [/poem]
وهنا نختار لكم ابيات من قصيده منشوره في الديوان صفحه 73 نختر لكم منها
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بعض المجلات خيبت من يحررها =من حبها للردي تجعل له ادعايه
تركض وراء الصوره البشعة تصورها =مستعجله بين فوتواغراف ومرايه
والراخصة من السوالف كيف تنشرها =الراخصة مالها تقدير وعنايه
أستح علي لحيتك ياللي تسطّرها =تحتاج صفحاتها طامس ومحايه
عسى زميلاتها الآخري تذكّرها =لاعلها تنتبه باعدادها الجايه[/poem]
وهذا الأبيات صفحه 78 للشاعر سعيد بن علي ال برمان الحبابي يصف فيها أنواع
الشعر ويتمني ان يكون الشعر علي المستوي
الجيدّ في الساحه الشعبيه وكان متاثر من قصيده استمع لها لم تصل
الي الهدف المطلوب من الشعريقول ابوعلي .................
[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يقولون العرب وقت مضى فيه الخطا مرجوع=وانا لاحظت امور واقعه تتعب متابعها
قصيده ماتعالج في صفوف المجتمع موضوع=انا لا اريدها تكتب ولاتنشر ولا اسمعها
قصيده مالها وزن ثقيل وبحرها مشروع=علي الصفحات والشاشات مانبغي نطالعها
قصيده مالها معنى وتاثير وطرق ونوع=تساوي بضعه ما ربح شاريها وبايعها
قصيده عوصها ماصار من بعد العسافه طوع=بعيني يالنشامى شفت نازلها وطالعها
قصيده هيضتنى بعدها يالوع قلبي لوع=ذكرت اشعار توصف بالجواهر من مصانعها
قصيده كرهتني بالقصيدولالها منفوع=خياليه وفيها مفردات مااتوقعها
قصيده لوبتشكي تشتكي من صدرها المشلوع=علي الدكتورتشكي كل شي صار يوجعها
قصيده ماتجي في مستوي المقري ولا المسموع=فوايدها انتقادات لحافظها وبادعها
قصيده ليت شعر مثلها يمنع مع الممنوع=علي شان التقاليد الصحيحه مانضيعها [/poem]
هذه الأبيات جمعت بين النصح والنقد لشاعرنا ابوعلي صفحه 80 نختار لكم القصيده كامله
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله اني دخيلك من الزراء والعقوبة = وان تحقّق لقلبي فرحته وابتهاجه
ليت كلمه عرب ماتعم العروبة =بعضهم مذهبه ماغير مذهب خواجه
بعضهم غشّني لبسه شماغه وثوبه= هيكل يحتوي نمّه وحسد وسماجه
الردى يعرفه والجود يجهل دروبه =ما تمضّي شهوده حجّته واحتجاجه
عرف بعض العرب لاقيت منّه صعوبه= واعتذر بعد ماهو كان يرفع احجاجه
حسب ماقال بأيام السعه رحت صوبه= فارح وراكن به بعد ذاك المواجه
بانصح اللي سلومه طيّبه ومحسوبه= لايصادق معاثير تكدّر مزاجه
هاضني بعض ناس من الجميل امحجوبه = بعضهم فني والناموس مالبس نتاجه
تايب من صداقتهم ثمانين توبه =لويجي من وراهم لي لزوم وحاجه [/poem]
ونختار لكم من هذا الديوان ومن صفحه 82 (الحباب وليسوا الأحباب)
نشر هذا الموضوع في مجلة الرياضة والشباب الامارتيه بالعدد رقم 844 وتريخ 17 يونيو 1997م وكان بواسطة رساله بعث بها شاعرنا سعيد بن علي الحبابي تحتوي علي موضوع وأبيات . وقد تم نشرها حيث قال المحرر وصلتنا رساله من الاخ الشاعر سعيد الحبابي يطلب نشر نصها وهي موجهة الي الشاعر محمد بن مسعود الحبابي يقول السلام عليكم ورحمه الله وبركاته وبعد:
الموضوع هو أن هناك قبيله من أكبر القبائل العربية في دول مجلس التعاون الخليجي وهي قبيلة (الحباب قحطان). وهناك من يكتب لقب القبيله بالخطأ والمعروف والصحيح أن لقب هذه القبيله (الحباب) وواحدهم (الحبابي) والخطأ الحاصل هو أن بعض الناس يكتب (الأحبابي) ويكتب لقب القبيله(الأحباب)والمطلوب من المحررين والمؤرخين والكتاب مراعاة هذه الأخطاء كما أرجو التنويه في مجلتكم ونشر هذا المقال في صفحات الشعر النبطي وحيث كتب شاعرنا سعيد بن علي الحبابي هذه الابيات المرفقه وأهداها للأخ الشاعر الامارتي محمد بن مسعود الحبابي عندما أطلع علي ديوانه (وسمياّت ) وتم نشر ماورد اعلاه والقصيده
[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
مأدري علامك تختصر ياابن مسعود =وابن القبيله يفتخر في لقبها
ربعك (حبّاب )دايم تكسب الجود =غلاّبه للقوم محدا غلبها
كسّابة النّاموس والعلم ماكود =ماهم مثل ناس قليل شببها
عندي علي قولي براهين وشهود = والشاهد الله والبلاد وعربها
أبناء (الحباب)... ونسل قحطان بن هود=شجعان وأكرم عريب نسبها
ربع عزاز مامشوا درب منقود= صديقهم ينظر بعينه عجبها
وأما العدو تكحل عيونه ببارود = وصمالة مايربح اللي حربها [/poem][/frame]
31-12-2008, 11:21 AM
تعليمات المشاركة
المواضيع المتشابهه
العرض المتطور