السلام عليكم ورحمة الله وبركاته
مبارك بن سعيد زميل لنا بالعمل حرمنا جلسة الصبح والفطور الطيب
كنا خمسه والفطور على كل واحد فينا والشرط ان الفطور يجيبه من البيت
استمرينا حدود السنه على هالعاده حتى قطعها ابو سعيد بسبب الرجيم ووزنه الزايد
المشكله لنا اكثر من شهر وحنا متوقفين عن الفطور والوزن مانقص كيلو واحد
_ _ _ _ _ _ _ _ _ _
الله يجازي من حرمنا من الخيـر
عقب الدسم صرنا ندور بساكيت
اول فطور الكاد ياصاحبي غيـر
من كل صنفٍ طابخينه هل البيت
واليوم حدنا عن دروب المناعيـر
كلٍ يدور في دروجـه فتاتيـت
يامبارك بن سعيد شف الغناديـر
شتت ربعك وقت الافطار تشتيت
والله لو تمشي من الحزم لسديـر
وتحرم تحلي بالحـلا لا تعشيـت
حرام ماتشعر من الـوزن تغييـر
مهما تحاول بالرجيـم وتعنيـت
الله يذكر جلسة الصبح بالخيـر
حمص وتبوله وفولٍ مـع الزيـت