دام تنشدني عليك الأنتباه لا وصلك العلم مني جواده
http://fesalup.com/27s8917pklnv/AUD-...A0016.aac.html
وهذا المقطع الثاني


الناس واجد مير ما مثل الاخـوان
ما مثل اخوك اللي يحبـك ويغليـك
ما مثل اخوك الي صدوق ومعـوان
تفديه بالغالـي وبالـروح يفديـك
يشكي لك جروحه وهمه والاحزان
ولا ضاقت الدنيا بهمـك يواسيـك
لو كان لك ربع ونـاس وجيـران
ما مثل اخوكاللي عن الناس يغنيك
أخوك هو عزك ولو كان ما كـان
يبيع كل الناس لاجلـك ويشريـك
انا اشهد انه لك علي الصدر نيشان
تاج علي راسـك وستـر يغطيـك
وأنا اشهد انه ما يثاقـل بميـزان
مثل الذهب والماس ما فيه تشكيـك
وأنا اشهد انه ما يقـدر بالأثمـان
عن العدو حصن(ن) ودرع يوقيـك
إيـاك لا تفتـح طريـق لشيطـان
بينك وبينـه جعـل ربـي ينجيـك
ولا تستمع لا جاك عـلان وفـلان
يا كثر ما تسمع من اللـي يعاديـك
ولا تجعل لغيرك علي العقل سلطان
ترىكثيراللـي بشـوره يدهويـك
ترى الدهر دوار يا سرع الازمـان


يوم تواريـه الثـرى او يواريـك
تقول يا ليت الذي كـان مـا كـان
يا ليتني بالقبر جنبـك واخاويـك
يا ليتك تعود واضمـك بالأحضـان
أضمك لصـدري واقبـل أياديـكيا
ليتك تعود تري القلـب ندمـان
وده يسوق المعذره ثـم يراضيـك
مير البلا يا ليت مـا ردت أنسـان
ويا ليت ما تمحي ظلام بما ضيـك
تماكن الدنيا وواصـل بالأحسـان
قبل الندم يطويـك والهـم يبريـك
ونهاية المشوار مـا غيرالأكفـان
ويبقي مع السارين ذكرك وطاريك
قصيدة اعجبتني للشاعره(( ليلي سعد الحربي)) وحبيت اشارككم روعتها
http://fesalup.com/o0ito4izklup/AUD-...A0024.mp3.html