[poem=font="Simplified Arabic,5,orange,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انشدوني كيف وضع الساحة الشعبية = قلت ساحه بس بعض احيان ماهي ساحه
ياكثر شعارها فالوزن والقافية = لا يهمك لو تجيك عطورهم فواحه
ابلشونا اهل الغزل والوصف والمرثية = وابلشتنا الزمرة الذمامة المداحه
مابقى الا يلعبون الدبكة الشامية = والمسيحي كل سبت يشاركون افراحه
يصنعون من السوالف سالفة وهمية = والقوافل سايرة وكلابهم نباحه
مادروا ان الغرب صنع قنبله ذرية = والبلا من تحت راسه والسلاح سلاحه
عزتي للعالم اللي مالهم شخصية = قفلوا باب الحديد وضيعوا مفتاحه
الحوال مصلحه وبيوتهم مبنية = وافئدتهم ميته وسدودهم بياحه
لو تهب الهبة الغربية الشرقيه = خيله كبايةٍ وخيولنا جماحه
والخلل والمشكله فالبنية التحتية = في لسان الشاعر اللي صجنا بصياحه
قال انا من ياكل اكتاف الذبيحة نية = ويوم جاه الصدق ما قدر ياكل التفاحه
ماخذٍ بالهيلمه شهادةٍ فخرية = وان تضايق راح براة البلاد سياحة
يتغانم فرصته فالعطلة الصيفية = لين صارت روحته تشره على مسراحه
ماقعد ينشق هبوب الديرة المسقية = ويتسمع للشعر في قرية المفتاحة
والقناة اللي نتايج بثها سلبية = يجتنبها ويتفرج في قناة الساحة
فالدوا ماهو بشرب الخلطة السحرية = المهم الشاعر الخربان كيف اصلاحه
اغلب الشعار عنده حالةٍ نفسية = وين تلقى شاعر نفسيته مرتاحه
لو عرضنا حالته للجنة الطبية = كان مازادت جراحه ماتطيب اجراحه
فافزعوا لي يانشاما هاتوا الجنبية = اقطع حبال الشراع اللي تهب رياحه
استلمت البارحه برقية سرية = تحتوي علم خفي لابدّ من ايضاحه
حذروا القناص لا يقرب من المحمية = لا يزهب شوزنه ولا يسن رماحه
لاتقوّت نيته واشتلّته دورية = والله ان يبطي عظم مايطلقون اصراحه
فلا تهوز الروس ياراس بلا طاقية = توك بدنياك سارح والعرب رواحه
قد صبرنا واجد وصبرك علي شوية = لا تقارن لولو البحر الحمر باملاحه
احرقتني الشمس وانت مكوعٍ فالفية = والبليد اليا تعذر عذره المساحه
قلتها والسالفة مكشوفة مخفية = كل رجال يولع ليته ومصباحه
القصايد كان ماجت بالذهب مطلية = سكروا فم المقوصد واقطعوا مسباحه
واول شروط التأهب لامسية شعرية = من عزم له في حفل ياجب عليه انجاحه
ولا انا مترت تصف الكورة الارضية = وعابرٍ بحر المحيط الاطلسي سباحه
واقطع فجوج الصحاري القاحلة رجلية = طير حر عزوته في مخلبه وجناحه
ابدوي عايش في منطقة نائية = عشت في جو الشمال وعشت جو الباحه
من قبيلة نارها وقت الملاقا حية = اقحطان اهل الفعايل للعدا ذباحه
سلمنا سلم قوي واقامته جرية = لانوت به قوة المارنز ما تجتاحه
مايكيف راسي الا الدلة البرية = وفالمثايل ماعرفت الا الصراحة راحة
يوم غيري كيفته القهوة التركية = والردية في ثراه عروقها نضاحه
ومن نشدني كيف وضع الساحة الشعبية = قلت سلم لي على صاحب قناة الساحة[/poem]سعد بن شفلوت

__________________

صح لسانك يالسمي


جزل ومبدع لاعدمناك


موفق ولا تقاطعنا


ننتظر جديدك يالقرم


ودمت بخير ،،،،،،


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ارررررررررررررررحب يابن شفلوت تراحيب المطر

صح لسانك علي هذه الرائعه وافي من راس وافي

تشرفت بسماعها علي قناه الساحه متابع لك ياسعد واغلب قصائدك عندي

لاهنت وبيض الله وجهك ولاتحرمنا جديدك

__________________

اررررررررررررررحب ارررررررررررررررحب


يابوعبدالله


الله يحييك تحيات الحيا



قيل من طول الغيبات جااااااااااااب الغنايم


اي والله جبتها يا سعد



صح والله لسااااااااااااااانك



ولا تحرمنا من جديدك


ولا عاد تقاطعنا نفدا خشمك



تحياتي



اخوك

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

السلام عليكم ورحمة الله وبركاته


الشاعر الكبير والمبدع // سعد بن شفلوت

صح لسانك وعلا شانك


كما عودت محبيك ومتابعيك إبداع وجزاله لاتستغرب على شاعر له مكانته المرموقه في عالم الشعر


أتمنى لك التوفيق

تقبل تحياتي

ودمت بخير.

ارررررحب يالسمي






وافيه من وافي




سرني انا اقرأها بعد ماسمعتها في قناة الساحه..





صح الله لسانك




تقبل تحياتي,,

__________________

أررررحب يابو عبدالله أرحب


صح لسانك على الجزله يالجزل


رائعه كروعة حضورك الغالي علينا جميعأً


في إنتظارك بكل شوق ،،،


أخوووووك

تحياتي واشواقي يا سعد علي القصيده الجزله وانا من المعجبين بشخصك
وانت قدها يابن شفلوت واسلوبك من النوع الطلق وحرية الشعر
وانت من الشعراء الاحراروخلها علي اسلوب الشعرالاول نهج اللسان الطلق الفصيح
ولك مني كل الود والاحترام وانت في الصف الاول صف الشعراء الاحرار

أخوي سعد بن شفلوت

صح لسانك وبيض الله وجهك واعتلا شانك

كلام من ذهب ويحكي عن الوضع بكل تفاصيله

رايعه بروعة حضورك المميز

وافيه من راس واحساس وافي

لك فااائق احترامي وتقديري

وافي يابوعبدالله وصح لسانك وسمعناها في قناة الساحه وجعلنا مانعدمك ياكحيلان

ولي الشرف يابو عبدالله أنكم خوال أخواني وخاصة أنتم ياآل محمد

تقبل مروري المتواضع وسجلني متابع مستمر لكل جديدك

تقبل تحياتي وتقديري

__________________