نقدم علـى الجمـع المقابـل مانعـرف الانهـزام
هادي بن سعيد الفليحي ال محمد الهاجري
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشـذب بالمقفيـن اثـم والطـق بالميـت حـرام=والاجر يبغى لـه عمـل والعبـد يجـزى بالعمـل
والشعر وههبة والحظيظ اللـي معـاه الحـظ قـام=واحـدٍ يقديـه العقـل واحـد خلـي مـن العقـل
وانا مـع الواقـع ولا اقبـل فيـه ترديـد الكـلام=الصدق يبقى لو يطـول الوقـت والباطـل بطـل
حيـث النقـى لـو مالقـى روسٍ تلقيـه اهتمـام=ضـاع النقـى والامـر عنـد الغالبيـة محتمـل
مايحشـم الا كـل رجـلِ يستـحـق الاحـتـرام=والا الربـادي ماحسبنـا لـه رضـى والا زعـل
ياكثـر مانغضـي عـن الجهـال قـدرِ للحشـام=نغضي عن الهرج الرخيص اليا وصل ون ما وصل
ون كبـرت الدعـوى ولا فـاد التشـرة والمـلام=نرفـع يدينـا ون تقاضينـا مانقـنـع بالـعـدل
المشكلـة عنـد البنـادم تنتهـي لــو استـقـام=بـس المصيبـة والبـلا مـخ البـنـادم لاقـفـل
لاقـام يستقبـل خطـا واصبـح خطـاه الاتهـام=هنا نعرف ونجـزم ان مـا عـاد فالرجـال امـل
مايـدري ان الجـد الاول جـد وافيـن المـقـام=سلايـل الظفـران واحفـاد الصحابـة والرسـل
اصل العرب واهل الحسب والمنسب اللي مايضـام=رغم اعتراض الحاقدين مـن الضغينـة والجهـل
ماينكـر امجـاد المناعيـر الكريـم ابـن الكـرام=ولا يغـط الصـدق رجـالٍ علـى بيـت واصـل
الهـم هـم المبتلـي والنـاس فـي بـرد وسـلام=والحظ حـظ اهـل الكبينـه كـل مـا زاد الهلـل
تريحو واخـذو مـع الراحـة سماحـة وانسجـام=الحبـر والقرطـاس ماعمـره جـرح والا قتـل
العلـم والله بالمكـان اللـي عليـه الطيـر حـام=واليـوم لا والله طـمـان وامــن ولله الفـضـل
ما عاد من بيـن العـرب ثـارٍ ولا فيـه انتقـام=الوضع طيب واكثر العالـم علـى سمـن وعسـل
السيـف الاملـح والبنـادق والذخيـرة والحـزام=اتلى عهدها مع وفـاة اللـي نقـل حمـل الجمـل
وليا رجعنا للسلـوم وعلـم اهـل سـود الجهـاما=صبح علي الصبح اسجل شي مـن شـيٍ حصـل
ما ناخـذ المعسـر ولا نتـرك لنـا شـف مـرام=انصول ونجول وعلى عـز وعلـى قـول وفعـل
نقدم علـى الجمـع المقابـل مانعـرف الانهـزام=واليا جدعنا نجـدع النـادر مـن شيـوخ الشمـل
[/poem]