[poem=font="MS Dialog,6,black,bold,normal" bkcolor="transparent" bkimage="" border="none,medium,gray" type=3 line=1 align=center use=sp num="0,black"]
بعض العرب يعجبك لو كان نايد=ودّك لو إنّه لك قريبٍ وتغليه
الطيب طبعه والوفاء له عوايد=واللي لك بقلبه لسانه يبدّيه
هذاك أنا بالروح لرضاه جايد=حتى ولو يخطي فلا لي مشاريه
اللي يلمّح لي بزين الفرايد=مآقول له ياكود عونك و لبيه
لبيه ياراع الفعول الوكايد=ياطيّبٍ طيبه عن الناس مغنيه
للشارده دايم من الناس صايد=وأنا على ماقيل " صيدي مذكّيه "
ماني غشيمٍ بالقنص والشرايد=آوقّف المعنى وأبرّق بخافيه
لو قلت يامحمد ولا قلت رايد=لزوم يعرف رايد إنّك تناديه
المسأله ماهي طقوس وعقايد=هذي منح والعبد له رب يعطيه
أصغر طموحي حب راع القلايد=غروٍ موّردني بحرهمٍ وتيه
وأكبرطموحي علم خافي وكايد=ياعنك ماغيري موكّد مواريه
درب السهر يامكبّرين الوسايد=درب اللي همومه بليله تسرّيه
الهرج زوده مايجيب الفوايد=والحر يفهم لالمح شي يعنيه
إعرف ترى للطيب لابد عايد=لوكان كلمة شكر للرجل تكفيه
علمك سمين وعلم غيرك بدايد="غيرك"هم اللي : يكثرون المشاريه
يامال فرقا اللي علومه نكايد=اللي يذلّ الراس للنفس مابيه
الكفو نرسل له سلام وقصايد=والفسل لاباللّه نفتّش مخابيه
السير له خطّه وللسرب قايد=والعلم له قلبٍ على طول يوحيه
لك منّي التقدير وافي وزايد=وتحيّةٍ منّي وللأمر OK
والغانمه مآني عليها بأزايد=ومن قدّم المعروف يبشر بقافيه
يشتدّ بي لا جاء نهار الشدايد=وينزاح همّه كان همّه معنّيه
وبالعون بعض الناس لو كان نايد=ودّك لو إنّه لك قريبٍ وتغليه[/poem]

صح والله لسانك


وعلى الثانيه عانك

قصيده تشكر عليها وبيض الله وجهك


لك تحياتي

أخوك

أبو صقر الزهيري

__________________

الغالي أبو صقر



صح بدنك ولاهنت ياطويل العمر


ومما يسعدني مرورك الكريم وثناؤك الحسن



لك وافر التحيه والتقدير،،،

صح لسااااااااااااااااااااااااااانك
يا معيض وابيض وجه وننتظر جديدك
تحياتي لك
أبو هياف الكيـــــــــــــــــــــــــرعاني

الغالي أبو هياف



صح بدنك يالغالي ووجهك أبيض



لاهنت.. وشكراً جزيلا على مرورك الكريم




تقبل خالص التحيه والتقدير،،

صح لسانك يامعيض وبيض الله وجهك

قصيدة رائعه وجزله


اخووووووك

عبدالله بن غفره




صح بدنك ووجهك أبيض




روعة هذه القصيده تكمن في مرورك الكريم




شكراً جزيلا لك



وتقبل خالص تقديري،،،

معيض


صح الله لسااااانك


وعلى الاخرى عانك


تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

الأخ الغالي /عبدالله المهداني




صح بدنك



وشكراً على مرورك الكريم




تقبل تحياتي،،،

ماني غشيمٍ بالقنص والشرايد
آوقّف المعنى وأبرّق بخافيه

كفو وصح لسانه

الهرج زوده مايجيب الفوايد
والحر يفهم لالمح شي يعنيه

حكمه من حكيم يامل العافيه

يشتدّ بي لا جاء نهار الشدايد
وينزاح همّه كان همّه معنّيه

محزم ظفر ولا يستغرب


معيض بن صميع

شاعر مبدع وجزل وغني عن التعريف والشهاده


بين حين وآخر تطل علينا برائعه كلها درر مفيده


صح لسانك ملاااااين يامبدع


وسجل إعجاب اخوك


لاعدمناك يالقرم ،،،،


.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.