قصيدة بن فطيس الاخيره

السلام عليكم ورحمة الله وبركاته

هذي اول مشاركه لي في قسم شاعر المليون

واتمنى تنال هالمشاركه على استحسانكم


قصيدة محمد بن حمد بن فطيس التي القاها في الامسيه الاخيره واعتذر من بعدها عن الاكمال للاسباب التي ذكرها

اليكم القصيده


[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=1 align=center use=ex num="0,black"]
العام ... خذت البيـرق وصـدت العقـاب
يـوم الرجـال حلوقهـا مـن دون ريـق !
اسرجـت شعـري والجماهـيـر الـزهـاب
وسنـادي بـلاد , وولـد عـم , وصديـق
وحولـت فالـوادي وهـو دونـه ضبـاب
مـدري ورى الـوادي مطـر ولا حريـق !
كـم فـارسٍ ودّه يحـوّل غيـر ... هـاب !
يستوحـش الماخـوذ لاشــاف المضـيـق
اقدمـت والفـرسـان تـرتـاب وتـهـاب
اجــرّي الهـيّـاب .. واقــزّ الطـريـق
ومثّـلـت داري بالقصـيـد وبالـجـنـاب
من الشمال .. الـى العديـد .. الـى العريَـق
ترابـهـا بالـحـسّ ماحـسّـه تـــراب
وحزومهـا تـسـوى الـزمـرّد والعقـيـق
ومثلـت رايـة مـن تليـن لـه الـرقـاب
صليب راي .. وكفـو .. وحجاجـه طليـق
ممشـاه للعليـا ذهـاب بـلا أيــاب .. !!
الشيـخ أبـو مشعـل حمـد علـمٍ دقـيـق
ومثلت كل الشعب مـن شايـب .. وشـاب
بـدو .. وحضـر .. تاريخنـا عـزٍ عـريـق
ومثلـت ربـعٍ فالوغـى مخـلـب ونــاب
( مـريـةٍ ) تاريخـنـا مـاهـو لـفـيـق
حـن مزبـن اللـي لا يـجـار ولا يـثـاب
وحن فزعه اللـي ذودهـم راحـت وسيـق
أقدامنـا جـبـال وعمايمـنـا السـحـاب
وامجادنـا تشبـه سهـيـل إلـهـا بـريـق
ومثلـت ( يـام ) بكبـرهـا والانتـسـاب
الـى ( بنـي همـدان ) نجـم لـه شعـيـق
الله خلقـنـا سـيـلٍ متـونـه هـضـاب
كـل السـدود يحطهـا حـبٍ دقـيـق .!
شاركـت متوكّـل علـى منشـي الحقـاب
وحزامـي مـن الشعـر والعـدّه يضـيـق
وطرقـت بيبـان القوافـي بـاب ... بـاب
وقدّمـت ماشفتـوا جميـع انــه يلـيـق ؟
وحشمت أذانيكـم عـن إسقـاط الخطـاب
ورقيـت بايدكـم علـى قـمّـة طـويـق
ووعـدت داري بالفخـر قبـل الكـتـاب
ووفـيـت بـأمـر الله بالعـهـد الوثـيـق
وستـرت بافعـالـي مزيّـنـة الخـضـاب
وقهـرت عدوانـي ونومـسـت الرفـيـق
ولطـم بعيـري شـوط واحـد للـركـاب
يـقـوم راس وينتـهـي مـاهـو زريــق
ومـن كـفّ ابوخالـد تسلمـت النصـاب
من كـفّ مـن عينـه علـى القمـة تويـق
شيـخٍ يـروم المجـد ويــروم الصـعـاب
خلّى الشعـر مـن نومـة الغفلـة .. يفيـق
واليـوم لا والله شفـت القـاف شــاب !
صـار الشعـر كـوره وكـلٍ لـه فريـق !!
وضـاع الهـدد بيـن الحـديّـا والـغـراب
وضـاع الصهيـل مكرميـن مـن النهـيـق
الا الرجـال اللـي قصايـدهـم عِــذاب
اللـي لهـا معنـى بـهـا حــسٍ رقـيـق
لا تشعـل الفتـنـه ولا تـطـرد ســراب
ولا يـرقّـع مــا نقصـهـا بالـزعـيـق
بـس العـرب معـاد تـدري بالـصـواب
ماميّـزوا ويـش الزفيـر .. مـن الشهـيـق
من جاب ضيعه ... قيل : شوفوا ويش جاب !!
أنشهـد انـه جابلـه معـنـى عمـيـق !!!
الذيب كانه ( ذيب ) ؟؟ ... يـدرع فالذيـاب
يخلّـي الخرفـان للضبـع العـويـق .. !!!!
ماجيـت انافـس جيـت دعـمٍ للشـبـاب
وفـوزي دمـه عـاده علـى القمـه يريـق [/poem]





اخوووكم

سيـــف بن شاااايع الكدادي

عز الله انه شاعر و المفروض ان الشعار يتعلمون منه
والله لايهينك على النقل الجيد وانت ما تجي الا بكل علم طيب في اي قسم

السلام عليكم

بيض الله وجهك يا الهاجري

وهذي من القصايد النادر تحصلها عند شعار كبار


حي ذا الزول والله يا ابن فطيس
ادب وشعر وفصاحه وجاه وصقاره ماشاء الله عليه

لا هنت والله يبارك فيك ويعطيك العافيه يا وجه كعب

أخوك البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

ابن درعان

سعيد الجهيمي


لاهنتوا عالمرور الرااائع
اخوكم
سيـــف الكدادي

صح لسانه
يعطيك العافية على النقل

بيض الله وجهك يا بو شايع ...

ما تجيب إلا الجزل ...

ولاهنت على نقل القصيدة ...

وأنت مبدع في كل المجالس ...

أخوك

مشاري بن نملان

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ابن فطيس عطى اللجنة و الشعراء و الجمهور

درس على الهواء مباشرة



قصيدة في قمة الرووووووووعه

__________________

عبدالملك المذحجي

مرورك اسعدني

اررررحب يابو علي

انت المتميز دائماا

حتى في ردودك


لاهنت

مبارك بن حاضر


اررحب مرووورك اسعدني


لاهنت يالغالي