أشوم شومت حر وأعوي عوى الذيب ... &&&

[poem=font="simplified arabic,5,white,bold,normal" bkcolor="transparent" bkimage="backgrounds/32.gif" border="ridge,4,gray" type=0 line=0 align=center use=ex num=",black""]
يـا وقـت جـدّدت الجـروح المعاطيـب=وفتقـت جـرحٍ لـو سلـم مـنـك طـايـب
سليّـت فـي وجهـي سيـوفٍ محـاديـب=وأنـا أحسـب أنـك عـن طبايعـك تايـب
يا وقت لو ماني بضاري على الطيـب=مـا شفتنـي تــوّي وفــي حـلـم شـايـب
كــم لــك تحـدّانـي بـكـثـر العـواقـيـب=وأنـا أطلـب المولـى جزيـل الوهايـب
أشوم شومت حر وأعوي عوى الذيب=وأكـرب حزامـي لاقتحـام الصعـايـب
صحيح أنا ما لاح في عارضي شيـب=ولا خضتهـا عـلـى ظـهـور النجـايـب
لكـن لـي نـظـره وعــرف وتجـاريـب=ولـي سلعـةٍ تعـرف بسـوق الجـلايـب
أصــدّ عــن بـنـتٍ تـغـرّ الخطـاطـيـب=لوهـي كمـا وضحـاً زهتـهـا الجنـايـب
الـي اقبـلـوا قـامـت تـزيـد التراحـيـب=حتـى يتـجـرّا كــل مــن كــان هـايـب
واليـا امكنتهـم مكـن مــا فـيـه تجنـيـب=تـحـوّلـت شـمـطــاً تــزيــد اللهايــــب
ثـــم جــــوّدت خـطـابـهـا بالـتـلابـيـب=وأرهـت عليهـم مـن كبـار المصـايـب
وأركـت عليهـم حامـيـات المشاهـيـب=وخــاب الــذي منـهـا يــدوّر كسـايـب
وأنـا عرفـت أن التـجـارب مكاسـيـب=ومـن طـاوع الجهّـال شـاف العجايـب
والراي بندق تخطـي أحيـان وتصيـب=مــا فـيـه رايٍ طــول الأيــام صـايـب
وشــرارة النـيـران شــذب العراقـيـب=حـتـى يـعـمّ الـهـجـر بـيــن الـقـرايـب
والسـبّـه الـلـي يغثـربـون المشـاريـب=والنيـه القشـرى هـي أصـل السبـايـب
ونفـس الفتـى لا شـك تحتـاج تهـذيـب=والعقـل حـاكـم والجـهـل عـنـه نـايـب
الـنــاس تـجـهـل وألسنـتـهـا مـنـاديـب=منـهـا يـعـرف الـحـر بــوم الخـرايـب
ومـن لا يفـزّ الـيـا نـصـوه الأجانـيـب=ويكـرم ضيوفـه مـا حـسـب للغـلايـب
ويعـزم قصيـره مـع جميـع الأقـاريـب=وربـعـه لـيـا اشـتـدت علـيـه النـوايـب
لـو يلبـس البرقـع فـلا قلـت لـه عيـب=مـا أعيـب خبـلٍ طـول الأيــام عـايـب
واللـي ليـا ضاقـت ذبـح شمّـخ النـيـب=مـا هــي غريـبـه لا نصـتـه الركـايـب
وأنـــا وربٍ يـعـلـم الـســر والـغـيـب=الخـالـق الــرزّاق مـنــش السـحـايـب
مـا أحيـد عـن درب النقـا والمواجيـب=حتـى علـى قبـري تحـط النصـايـب
[/poem]

__________________