الشاعر/سريع القحطاني ،،، بس مالي فيك قسم في القسوم

والله ان ودي بشوفك كل يوم
وان ما ودي بغيرك لو حضر
ان حضر طاريك يا زين العلوم
وان رحل طاريك ويش من القهر
نختلف في الدين واطباع السلوم
وكل منا له طباع وله مقر
يا حسافه صرت مبعد ومحروم
يوم فرقنا وفرقك القدر
واه من شوقن على صدري يحوم
لا بغيت اجيك من دونك بحر
واخ من همي وانا صدري كتوم
واح من دمعن على شوفك حدر
اجتمع من فوقنا مثل الغيوم
وانهمل منها من اشواقي مطر
لحقني من بعد فرقاك الهموم
ولحقني عيني في غيابك لي سهر
لو دريت ان وصلك بحب الخشوم
جيت عاني لك بعد طول الصبر
بس مالي فيك قسم في القسوم
قسمتي لي منك هم في الصدر
قصر حبك صار فاني ومهدوم
واصبحت سيسانة لشوقي قبر
واصبحت ذكراك في صدري وسوم
ما محاها الوقت مع مر العمر
الصحيح انتي غناتي في العموم
وفي العموم ان غيبتك عني فقر

صح الله لسانه


ولاهنت على النقل

قصيدة مميزة

ويبدو ان شاعرنا قلبه خضر


تم النقل للقسم المناسب

__________________

اي والله الظاهر قلبه خصر ههههههههههههههه واضح من القصيده ان قلبه خضر