الحظ ما يخطيك

[frame="10 70"]أنت السلام ومنك يالواحد الرب تبارك اسمك وانت بأعلى مكانه



لاني ملك ولا نبي"ن" مقرب أنا الفقير اللي شكا من زمانه



وأنا الغريب اللي عن الدر غرب وأنا السجين اللي صدر له بيانه



الحظ ما يخطيك شي"ن" مجرب أما يجيب العز ولا الاهانه



تبني الامل ويجيك حظك وخرب بنيانك اللي واثقن من ضمانه



يا الآدمي وانت الوحيد المدرب تعيش يومك ما تفكر بمانه



تلقى بعضنا عاش جو"ن" مطرب هذا خوي وذيك فكة ميانه



والبعض الآخر جالسن ويتشرب دايم على الحلاق ياليل دانه




والبعض مثل الماء كماه يتسرب وعن مجلس اهل الطيب عنده حصانه



والبعض الآخر مثل غصن"ن" مزرب ويسد عنك النب في كل خانه



أحدن طموحه في البكار المضرب وحدن طموحه ما تعدى لسانه



شفنا وعفنا يا العريب المعرب وكلن على مرباه يرفع كيانه



والموقف اللي من خيالك تهرب يكفيك عن شوفته شاهد عيانه [/frame]

بيض الله وجهك و استمر طرح جميل

صح لسانك

بيض الله وجهك ابدعت

لاهنت يالغالي وصح لساااااانك

لاهنت على المرور الطيب

صح لسانك يامحمد

والموقف اللي من خيالك تهرب ** يكفيك عن شوفته شاهد عيانه

أخوك : ذيـب نجـــــــــــــــــــــــد

ارحب يا ديب نجد ولا هنت على المرور الطيب