مجاراة لشاعرين (محمدبن مسفربن جليدالفهري) و (علي بن حمري)

السلام عليكم ورحمة الله وبركاته













[الشاعر / محمدبن مسفربن جليد الفهري القحطاني]



.. هذه القصيده كتبتها مجارة للشاعر المعروف علي ابن حمري



يالابتي ياعزوتي ياخواني

يافزعتي لاجا نهار الهيه..



انا وقعت بغبة(ن) وحدآني

اصارع امواج البحر بيديه..



واليوم انا قدامكم واعاني

الفقر بهذلني على مافيه..



البنك يحسم لقمة الورعاني

ورويتبي مخصوم ميه ميه..



هذي حياتي والزمان اشقاني

ومويتري رجلي وانا رجليه..



الله يضدك يالزمان الفاني

ضديتني ماعندك الماويه..



بهذلتني والحقتها جنحاني

واحرمتني من طلعة العصريه..



حجرتني بين اربعة جدراني

لاعاد لاعبري ولا عبريه..



ياليت منهو يزبن الشيخاني

بعد الفجر مع طلعة الصبحيه..



واشرح لهم وضعي وماعناني

ياعلي القى عندهم رديه..



وان مالقيت اسناع ياخلاني

عزلله اني ماشربت الميه..



جربت ناس وعودو كذباني

يالله دخيلك تصلح الذريه..



بعض العرب يجيك حلو لساني

ولاقفيت منه اظهرلك الشبريه..



ياكل لحمك تقول ذا جيعاني

ياجعل مثله مايشوف الفيه..



واليوم انابعدّل الميزاني

اخاف من هرجة عديم النيه..



هذا كلام محمد القحطاني

يقولها يرثي وهي مرثيه..







وسلامتكم





























[ الشاعر /علي بن حمري ]





وهذي قصيدة الشاعرعلي بن حمري



ياسيـدي سلطـان لاتلحاني



واسمع سوالف روحي المشقيه





خوتك خوه ياخطل الذرعاني



لكـن لحقنـي منهـا محقيـه





كثرت جاهي واكثرو ضيفانـي



وضالو علي الربـع والعانيـه





وخسارتـي تدبلـت واقذانـي



فقري وقل الحيـل فـي يديـه





قالو عطاه الـدر والمرجانـي



وقالو بنا له قصـر فالشرقيـه





وقالو رصيده يبري الوجعانـي



وانـا علـى سيـارةً كوريـه





هي والشبح وكيلها الوعلانـي



سبحان من فرق اخوً عن خيه





لاجيت بعايـد علـى شيبانـي



حنيت نفسي من خـلا كفيـه





فقير ويعايـد علـى فقرانـي



امحق فقر وامحق بعد عيديـه





يامير ماشين موتت الوحدانـي



من مـات لاهـاذي ولاهاذيـه





من حر قيض الارض بالصماني



يمشي الجمل بالطاقه الشمسيه















وسلامتكم

مسكين يالي تحسب الواجدشوي *** العافيه لوتنشرى وش ثمنها

مسكين يالي تحسب الواجدشوي *** العافيه لوتنشرى وش ثمنها