[poem=font="Traditional Arabic,7,red,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
راكب اللي من المصنع بشدّ التواير=ماهو ابلكزس وماهوب جيب السفاري

رنج روفر على خشمه رسوم البشاير=وارد انجلترا تصميم حمر العتاري

وقفته في سلوم الطنخه امن الكباير=فيه نزغة شياطين وعيات انتحاري

يبهج الخاطر ويشفي حسوس الضماير=لونه اللي يضاهي معطف الاستشاري

دق سلفه وفالك للسعد والستاير=ان بغيت اتغبش ولاّ بغيت المساري

احدر القاعه ولا جاك زور الحفاير=اتجه للغضاه انص السباع الضواري

مطمع المسرجات ومطمع ام الظفاير=يوم زرق الرماح ويوم طعن الشباري

انص راعى المواقف وابد مافي السراير=سالم ابن الحميدي من قروم آل جاري

سلّم وقلّه انّ الحمل جاير وجاير=حمل ماهو بضاعه بين بايع وشاري

وقلّه انت الذخيره ياحزام الذخاير=وانت عند احتكام الوقت كاتب وقاري

والصبر غلق ودارت عليه الدواير=كلما هبني الغربي طرالي طواري

عيني اتخايل العليا وتوّي عزاير=بين صمت الحقيقه واندثار المواري

والمكاسب تحصنها حصون الخساير=وانت تدري وانا بالوضع داري وداري

كل سيل(ن) خفيف(ن) مايزل الحواير=غير سيل القعم لاسال شل ّ الكباري[/poem]