حبيب العازمي وفلاح القرقاح ((ومحاوره جديده ومغايره))

محاورة اعجبتني بلحنها وقافيتها بين المبدعين حبيب العازمي وفلاح القرقاح

حبيب العازمي
يامرحبا بالشاعر الي خابرينه فالجنوب
يشب ناره من زنوده والرشاش يرشها
مدري يضيق به الفضا وإلا تضيق به الدروب
ان كان تاقف خلها وان كان تمشي مشها
فلاح القرقاح
النار لامني قدحت زنودها شبت شبوب
وان كان سلمت يدك منها حب يدك وخشها
انتم تحسدون اليتيم الي شرا للعيد ثوب
مامنكم الي قال ابمسح دمعته وامشها
حبيب العازمي
انا جبل راسي وقاسي ماتحركه الهبوب
وإلا أنت قشاش الحطب لابد مايقتشها
بعض اليتامى ماوراه الا المشاكل والذنوب
والا انت لوجدتك حيه ماعليك تغشها
فلاح القرقاح
هذي حيودك ياجبل متهلهله من كل صوب
راع المعز والضان بجنوبك ماغير ينشها
انا ليا مني ضربت الراس والراس معصوب
ياقع.. وللكبد الي تحبه محش يحشها
حبيب العازمي
كانت حمامتكم تبيض فالجبال وفالشعوب
واليوم عود بيضها من بطنها في عشها
القربه الي خضو الماء وسطها عيا يروب
فلاح ينفخها واخوه الي وراه يفشها
فلاح القرقاح
الحمدلله ماتعرضنا المعاصي والذنوب
نحفظ حمامتنا وبيضتها عليك نطشها
تراك راع الغرفه الي طوبها ماهو بطوب
من صغرها من قام حظه مرها مادشها
حبيب العازمي
انا اعرف انك من رياجيلٍ يعرفون الوجوب
عنك قحاطين اربعه عشرين بيضه عشها
العام تضحك بالرضا واليوم بالضحك مغصوب
وام الكباير ماتشيل وحملتك بقشها
فلاح القرقاح
انا بني عمي عشاهم راس نفاخ الذروب
هذي تسمع في وشاياها وهذي وشها
يكفيك يامغلوث من دم البرازي ربع كوب
مادمت تعرف قاسي ايامك وتعرف هشها
حبيب العازمي
ان كان يادم الكبود اخير من دم القلوب
حنا عقرنا الفاطر الي دمها في جشها
علومكم ياكثرها والي تحسبون محسوب
والصوره الي غيرت جاها الخلل من دشها
فلاح القرقاح
بث القناه ان كان مايرض القبايل والشعوب
ترى الحرامي كل ماحصل غنيمه لشها
ابترجف الساعه ونور الشمس ماهو بمحجوب
والا الرحى من يوم يدرج فوق حبه دشها