[poem=font="Traditional Arabic,6,black,normal,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ابتلتني راعية قد وقوام= فتنتن باول ربيع سنينها

آنسه ..مابعد قيل الها مدام=,وجدي المن طاح في يدينها

نظرتن فيها تثير الالتحام =كيف لو ركزت في تكوينها

اذبحتني يوم ترخي في اللثام =مرتسم لعجاب داخل عينها

قامت تندب مناديب الغرام= غير جات بحين ماهو حينها

حاولت تفتح بدايه للكلام= ودها تلقى جواب لسينها

اسالتني ليه مارد السلام= وسالتني ليه ماوحي زينها

قلت انا اعرف كيف يبدى الانسجام= وارسم الرسمه مع تلوينها

غير انا ماعاد لي شف ومرام= المحبه تبت ماتبع دينها

والحرام اموت مااطى في الحرام=ياالله ان النفس تقضي دينها

كيف انا باشوفلك قدر ومقام = والاصاله والشرف ترمينها

جرحها اصعب جرح مافيه التئام=كم سمعنا قصه وياشينها

زينتك عفه وشيمه واحتشام=ماهي ابفي نعسن تبدينها

تكسبين ابها مكانه واحترام=احذري من غلطتن تخطينها

جنبي درب المتاهه والظلام= والدروب العوج لاتمشينها

كان ودك بالنصيحه فالهمام= اعدلي من نيتن تنوينها

واما انا ماعاد يلحقني ملام= قلتها لك غير لاتنسينها[/poem]