النوايا السود ( في) محاربة الابداع

[poem=font="Arabic Transparent,6,black,bold,normal" bkcolor="transparent" bkimage="" border="solid,thick,darkred" type=4 line=0 align=center use=ex num="0,black"]
اغنميني ياهجوسي والمواقيف اغنميها=المواقف صيد رجّال(ن) يشد به الحزامي

داعبيها باللحون و بالقوافي والهميها=والمعاني سهريها الليل كله لاتنامي

ياهجوسي ياهجوسي كلمةٍ لي وافهميها= وان وردت العد ضامي عنه ماصدرت ضامي

ياهجوسي رجعتك للخلف خطوه قدميها= قدميها مثلي هجوسه تقدم للامامي

والمواقف لحضرنا نحتميها نحتميها= نحتميها باللسان وبالزناد وبالحسامي

والوجيه البيض تكرم ياهجوسي واكرميها= مال راعي العز غير العز والعلم التمامي

والنوايا السود لرفرف علمها هاجميها= هاجميها في الحروف وهاجميها في السلامي

رايةٍ تنوي تحطم راية العز احُطميها=الذليل يذل والوافي يعز ولايضامي

والوجيه السود لو ماهي تلثم لثميها= لبسيها الشال الاسود والسواد لها لثامي

ان بقى فيهامن الحشمه قليل(ن) فاحشميها=وان هي ازرت لا تحشم ورديها بلاسامي

الدعاوي من يمينك في يمينك واحسميها= والقطامي مايحلق في سماه الا القطامي

اجهلي جّهالها ولا العوارف علّميها= الافامي ماتسكت بالكلام من الافامي

استلمتيها نظامي ياهجوسي سلميها=سلميها ياهجوسي للعوارف بالنظامي

واعذريني لا قضيتي الشان منها وارحميها= ارحميها من الاهانه واعذريني في الاسامي[/poem]

__________________

ارحب ياعلي بن نملان صح السانك وعتلا شانك شاعر مميز من قبيله بها فطاحلة الشعراء

الموهوبين ومجدهم مخلد وشهادتي فيهم مجروحه سلمت ودمت بكل خير

__________________

صح لسانك وبيض الله وجهك على الجزاله والمعنى , تحياتي

أرحب يا بو محمد ..

صح الله لسانك واعتلى شانك ..

قصيدة جزلة ووافية من رفيقٍ وافي ..

لاهنت يا ذيبان وفي انتظار جديدك ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

بيض الله وجهك قصيدة رائعه

تقبل مروري
وتقبل

__________________
[

عبدالله العلياني
صح بدنك ولا عليك زود .................
شرفني مرورك العطر ...............
عدتك الطيب وربعك تقبل تحياتي ...................

__________________

الأخ ابو معتز .....
الاخ مشاري بن نملان ......
الاخ صالح جواح ..........
اشكر لكم مروركم تمنيت أنني رديت على كل واحد لاحاله من يوم انه شرف موضوعي
برده ومشاركته لكن مررت بظروف اجبرتني على التأخر .
واشكر لكم تفاعلكم ...

__________________

صح لالسانك وعتلا شانك يا علي بن نملان جزل المعني

__________________

صح لسانك على الجزاله


تقديري

صح لسانك يابو محمد دايم تمتعنا باجمل قصايدك
وشهادتي فيك مجروحة
محبك اخوك الصغير