من روائع الشاعر بطي بن مسفر الحبابي

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
عز الله ان الوقت كفا ووفا=عطشان واسقاني من المر صافيه

ياوقت هونك ماحصل منك كفا=قلبي من الاحزان مافيه كافيه

والحزن لو اخفيه ماينتخفا=تقراه في عيني ولو كنت نافيه

جربي غدر والحظ نوره تطفا=والصبر نار يحرق بهون وافيه

وبرد الحزن لا اشتد قمت اتدفا=على جمر صبري واولع بطافيه

بس المصيبة والعذاب المصفا=الجمر رمد والصدر باح خافيه

ودعيت حظي والتفت لي وقفا=يبعد ليا احتجته ويبدي تجافيه

على اللي باقي من احلام صفا=ارسم الامل فالرمل والحظ سافيه

وان قالوا اني للهموم اتلفا=الشوك ما الم سوى رجل حافيه

لاشك من غير الولي ما اتشفا=للعون دام اللوم والمن قافيه

كم واحد للي لفاه يتحفا=وان كان قفا قال ذا فيه مافيه

من ذا ومن شرواه قف وتكفا=باللي دبيب النمل ماهوب خافيه

هذا لو انه حي عده توفا=ليت الزمن هافيه فدوه سنافيه

ياللي من الايام موقك تحفا=الوقت صحكاته تصحي غوافيه

الصبح يكشف لك وش اليوم خفا=لذا خطاك اليوم واجب تلافيه

واليا لفاك الحزن حاول تخفا=ملامحك تفضحك لو كنت نافيه[/poem]

__________________
للتواصل:

fahad_alhababi@hotmail.com

راااااائعه بالفعل

قصيدة مليئة بالجمااال والجزااااله

بيض الله وجهك يالغالي

دمت بخير

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

ياللي من الايـام موققـك تحفـا
الوقت صحكاته تصحي غوافيـه

الصبح يكشف لك وش اليوم خفا
لذا خطاك اليوم واجـب تلافيـه

واليا لفاك الحزن حـاول تخفـا
ملامحك تفضحك لو كنت نافيـه


صح للسسانك يافهد وصح للسان شاعرها روعه بارك الله فيك

اررررررررحب يابو حمد تراحيب الحيا ..

وبيض الله وجهك نفداك ..

قصيده جزله ولا جات الامن جزل صح الله السانك يابو حمد والسان ابومسفر مدد بلا عدد ..

جعل يمناك ماتعطب على هذا النقل الرائع ..

تقبل مروري نفداك ..

نايف بن جليد

مرورك الاروع وشرفني ردك

لك مني جزيل الشكر

__________________
للتواصل:

fahad_alhababi@hotmail.com

ناصر.الخبر

لا هنت يا اخوي ناصر على اطرائك

__________________
للتواصل:

fahad_alhababi@hotmail.com

فلاح آل راكان
تسلم يا اخوي على ردك الاكثر من رائع

وشرفني تواجدك في متصفحي

دمت بود

__________________
للتواصل:

fahad_alhababi@hotmail.com