[poem=font="Tahoma,4,darkblue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ايامنا ما استوت والله يزينها=ياما اجتهدنا ولابان الجهد فيها
نطرد ورى حاجة(ن) ماحن نعينها=وتحقها عيوننا والوقت يخطيها
وامور فصدورنا لا مانبينها=احسن لنا في صميم القلب نخفيها
دام الزمن مانوى لحظه يعاينها=وشلون الافكار من شانه نعنيها
فياقلب يلي ورى فرصه تحينها=على كثر ما انتظرها ما يلاقيها
لاتحرق النقس وتكثر ضغاينها=النفس واللي تبي في حكم واليها
فقم يانديبي على اللي مايصينها=الاخبير يعرف اصغر خوافيها
لافتر ماطورها حنت مكاينها=الغبرة اللي بوسط الجو تجليها
طياره مبرمجن فيها مداينها=تقلع على وجهتن ماهي بتخطيها
ماهي بطيارة خطوطن زباينها=تخاف تاجيل رحلتها وتلهيها
شبح ماغير الكباتن في كباينها=تبرد عليل الضماير في مماشيها
انص الذي حالي وقلبي رهاينها=اللي هدب عينها ياصل لخديها
غرنوقتن عن غلاها يامر وينها=من زود حبي لها نفسي معنيها
الفارقه من حلاها عن قراينها=الزين كله خذا اصغر مواريها
النفس في بعدها تكثر غباينها=تثور لكن اصبرها واهديها
تجي على قسوة الدنيا تلينها=اهنا ليا شفتها ربي يهنيها
وقلها ماني بجاهل كماينها=تصد تبغي من الاشعار نرضيها
جتها بيوت الشعر واللي مزينها=والشوق من خاطري عجلن يباريها
ولاني ولو زاد جور الوقت خاينها=مابه سواها من الخفرات باغيها
القلب لاتحسبه فالحب طينها=لامرته نسمة براد يلاحيها
ماغير حبك بقلبي يامر وينها=فديت من رمشها ياصل لخديها[/poem]

__________________
[poem font="Tahoma,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
عرف الشلي في الضمير الحي له فاقه=خوة شرف مالها نيات واطماعي
والا الردي ادفع الاموال لفراقه=لن خوته عند مثلي مالها داعي[/poem]


bareg5050@hotmail.com