اعطوني المنتخب السعودي

انتهت المباراه اليوم بين الاخضر والاحمر بفوز مستحق للاحمر وهذا ثاني سقوط اما اللون الاحمر في اقل من شهر

المهم اعطوني مسامعكم :

منتخب راح للمباراه والمنافسه شديده جدا جدا ليس على الفوز ولا على تمثيل المنتخب ولا على الصعود لا لا لا على من يحمل شارة الكابتنيه ؟؟؟؟؟ ياسر ولا نور ؟؟؟؟

المنتخب ذهب الى المباراه وفيه ناس اصحاب نفوذ كبير ليس همها الفوز بقدر همها كم لاعب من ناديها راح يلعب المباراه بغض النظر عن المستوى والتكتيك ومعه الوطن كمان .....

المنتخب راح المباراه وهو مهزززززززززووووووووز نفسيا في مدرب يصرح تصريح صحفي ويؤكد خبر وبعدها بساعات ينفي ما اكده بلسانه.....لانه وصله اتصال

مدرب شخصيته لاتضع تكتيك ولا خطه ولا لاعبين ولا تقدم ولا تؤخر سوى بمحاضره روتينيه تدخل من اذن وتخرج من الاخرى بالنسبه للاعبين ؟؟؟؟

لاعبين لايقدمون المطلوب منهم فمهما كان المستوى المركز مضمون بالواسطه والضغوط الاعلاميه والللوبيه والمكافئات لن تقدم ولن تؤخر بالنسبه للاعب محترف في انديه كبيره

منتخب سافر وهوخائف من الاجواء وخائف وسط الاجواء حتى اني احسب ان بعض اللاعبين لابس طفيليه وهو يلعب ..؟؟؟؟ والله يابرد السعوديه انه يدخل في العظم ياجماعه واللاعبين خايفين من البرد في كوريا ؟؟

اقول لوسمحتوا اعطوني مدرب الاخضر انت انت ياناصر يا اخي استحينا منك ولا استحيت منا انت تشوف ان هذا منتخب وهذي تشكيله اللي قاعد تلعب فيها اجل وش تسميه يوم تلعب 80 دقيقه بالفريدي وهو خارج جو المباراه يمكن لانه يلعب يسار وهو طبعا مايحب المركز بس مجبور عليه ؟؟؟ زين وين لاعبي الوسط يسار مافيه ولا لاعب وسط يسار في السعوديه ؟؟؟؟ معقوله من كم شهر مالقيت لاعب وسط يسار ابي اسمع رد عندك رد كلمني .........اذا لوسمحت لا تقعد تقول وتصرح وانت مانت قادر تختار وسط يسار في تشكيلةالمنتخب ؟؟؟؟؟ يعتمد عليه

وبعدين كيف مره تلعب تيسير يمين ومره يسار ومره محور ومره ضايع دوخت النما ماعاد درى فينه

والكريري ليش عالاحتياط وهوخير من يمثل مكان خالد عزيز ما تشوف انت ولا ماعندك نظر

انت يالجوهر ليش ابلشتنا بانصاف النجوم من مباراة كوريا الجنوبيه مرورا بكأس الخليج ولا انت قادر تخلق تشكيله محترمه حتى مع الاستشارات والمناظرات ولا قلها بصريح العباره انا بس صوره قدامكم والراتب يمشي والتشكيله حسب الخطه العلميه المدروسه ؟؟؟؟؟

بس يالجوهر كفايه عليك اعطوني لاعبي المنتخب ........... الحين انتوا تمثلون الكره السعوديه خير تمثيل؟؟؟؟؟؟؟؟؟؟؟؟ وين الخطه العلميه اللي شرحها لكم المدرب ما اديتوا اللي عليكم ابدا هذا الكلام مرفوض مرفوض مرفوض وهذا المستوى مايليق بسمعة المنتخب السعودي بس كفايه عليكم

اعطوني الجمهور : مادام فيه منتخب يدار بالموبايل وتشكليه تختار حسب الذوق والواسطه وصحافه منتخب بكل الوان الطيف سلموا لي على المنتخب ونشوفكم في تصفيات 2014

تحياتي

بلعكس ابدع المنتخب بكل الوسايل بس الحظ ماجاء من نصيبهم

عمل الي اقدر عليه المدرب وبيض الله وجه

ام من شان الكبتنيه في ماهي رااس مال ولا تزيد الواحد يهبه بلعكس اشاره بس

بس ياليت انه عطى المدرب محمد نور الحريه في الملعب والله بيبدع

اسمح لي اخوي شايع لا ابدع المنتخب ولاسوى شيء ؟؟؟؟ الا اذا كنت شفت مباراه ثانيه غير اللي شفنا ؟؟ من وجهة نظر كل النقاد ونظري ان المنتخب سيء سيء سيء وبعيد عن جو المنافسه على الصعود ويمكن هذي خطه علميه مدروسه جديده مانعرف ننتظر التصاريح والمبررات

اي مدرب الله يهديه ياليته استقال قبل ينطرد والله اسوأ مافي المنتخب المدرب