حزام الشدايد

[poem=font="Simplified Arabic,6,black,bold,normal" bkcolor="transparent" bkimage="backgrounds/23.gif" border="double,thick,black" type=2 line=0 align=center use=ex num="0,black"]
كم لي ونا اصارع صواديف دنياى = اقول اهي عيه وهي تقول أنا العي
دايم عنيده ما مشت يوم برضاى = مبطي وممشاها معي دايم(ن) سي
ماجبت أنا اقصاها وهي جابت اقصاى = في كل يوم تزيد كي(ن) على كي
والله يطول عمر من طول ارشاى = ويقول جل الهم مادامني حي
عايض حزامي في الشدايد ويمناى = مادام لي حي فلا ضقت من شي
أبو محمد عند الاقراب حماى = عسى الردي من تحت رجلينه احذي
اخوي ذخري عزوتي عند بلواى =وعزي لمن ماله مثل حاتم الطي
للي يشكويني ليا سمع شكواى = كني ملكت اموال أبو ظبي ودبي
دين وكرم شجاعه وصمصمة راى = يوم الردي لاذي ولاذي ولاذي[/poem]

محمد صح للسانك وبيض الله وجهك على القصيد الدسم

والدنيا عنيده ولا تطاوع احد

تحياتي0000000اخوك

الله الله
صح لسانك
هكذا المدح
وهكذا القصيد
وهكذا تطويع القوافي

" وقد اقتبست البيت الأخير لإدراجه في كتاب الأمثال عند قبيلة قحطان"
كون هذا البيت يحمل المثل العامي " صمصم عند رايه "

أشكرك
وبعد اذنك

__________________
مجموعة من صوري





مدونتي

صح لسانك يابو سعد وعلى شانك

شاعر وعلم ومتمكن ومميز

وبيض الله وجهك

عايض حزامي في الشدايد ويمناى = مادام لي حي فلا ضقت من شي
أبو محمد عند الاقراب حماى = عسى الردي من تحت رجلينه احذي

الله الله الله يستاهل أبو محمد وكفو كفو ونعم الاخ ونعم المحزم
لك مني خالص الشكر والتقدير

أخوك أصقر

__________________

ارحب ارحب يامحمد وبيض الله وجهك على القصيده
وصح الله السانك ياذيبان
تقبل مروري


اخوك محمد ال غانم

صح لسانك ولا هنت وبيض الله وجهك وفالك االطيب ويفدونك الرخوم يامحمد

__________________

عايض حزامي في الشدايد ويمناى = مادام لي حي فلا ضقت من شي
أبو محمد عند الاقراب حماى = عسى الردي من تحت رجلينه احذي


السلام عليكم ورحمة الله وبركاته وبعد
أسعد الله أوقاتك بالمسرات
وصح لسانك يابوسعد

ولايصح في ذا الزمان الآ الصحيح
وأخوك من غير قصور فالباقين كفو
وعلمه غانم عند بوه قبل كل شي جعل والديه في الجنه
ولاهي غريبه عليه الطيب أبومحمد

ونعود ونرجع لموضوع القصيده
مايحتاج شاعر وأستاذ لي
وما أقول الآ الى الأمام يابوسعد

ارررررحب يامحمد


وصح الله لسانك


دائماً احرص على القراءة لك

لانك من الشعراء المبدعين والصادقين في الشعور والأحساس


قصيدة في غاية الجمال والإبداع


انتظار تواصلك على احر من الجمر


اخوك