((الوجد))

[poem=font="Simplified Arabic,5,blue,bold,normal" bkcolor="transparent" bkimage="backgrounds/19.gif" border="solid,medium,gray" type=4 line=0 align=center use=ex num="0,black"]
قال منهو يصخر القاف والعلم الكيد=مير نفسه ياعرب بيحت مكنونها
يا هجوسي سعاديني وانا اكرر واعيـد=شاعرن بنات فكـري كحلـت عيونهـا
يابنات الفكر هاتي مـن العقـد الفريـد=جوهره ما يختلف شكلهـا مـن لونهـا
جاتني الافكار وتقولي هـل مـن مزيـد=لايهمك شي صـون المعانـي صونهـا
اشهد ان للشعر هاجس وشيطان مريـد=والمعاني فيـه يـا صعبهـا وياهونهـا
لو لي فالشعر كلمه ولي بـاع ورصيـد=ضاق صدري من بيوت الشعر وفنونها
اتصبـر والله الـي يدبـر مـا يريـد=خايف نفس الرجاوي تخيـب ضنونهـا
كل ماجيت استرح زاد همي من جديـد=والمشاعر من خلاهـا تجـن جنونهـا
اتضاهر بالسعادة واقـول انـي سعيـد=والسعادة فارقتنـي تسـوق ضعونهـا
ياحمام الورق يالي على خضر الجريـد=لاتهز الشجـره الـي تميـل غصونهـا
لاتهيض قلبي ارجوك قلـي وش تريـد=روح في شونك وخل العرب في شونهـا
لاتهيضني وانـا قافـلٍ بـاب القصيـد=خايفٍ نفـس المعنـى تزيـد شجونهـا
يا وجودي وجد منهو ورى الباب الحديد=والزياره له سنـه منـه مـا يطرونهـا
الكلبشه فـي يدينـه وبالرجليـن قيـد=في سجونٍ مظلمه طاولـت مسجونهـا
ويا وجودي وجد من راح عن ربعه بعيد=اغترب في دولةٍ والبحـر مـن دونهـا
ما تجيه الى الرسائل معا سـاع البريـد=والرسائل يخلف المغتـرب مضمونهـا
وياوجودي وجد من عاش فالدنيا وحيـد=كل يوم وليـل نفسـه تزيـد غبونهـا
يشكي من الضيم ماله رفيق ولا عضيد=وان وقف بين العـرب دفتـه بمتونهـا
اتوجـد ياحمـد والتـوجـد مايفـيـد=والبكـا مـارد ليلـى علـى مجنونهـا[/poem]

__________________

للتواصل / عبدالله العاطفي
al-gentel-2008@hotmail.com

السلام عليكم ورحمة الله وبركاته،،




شاعرنا القدير ..




صح لسانك وبيض الله وجهك ..




ومجااااار ياعبدالله ..




هنا قصيده ولكن لها روح وكتبت بإحساس صادق ..





تقبل مروري وشكري وتقديري،،

صح الله لسانك يابو محسن


مبدع وجزل



تحيتي

صح السانك ،

وقصيدة وجد معبره ،

وشاعر مبدع ،


تقبل تحياتي ،

__________________
يا عالم الغيبِ! ذنبي أنتَ تعرفُه
وأنت تعلمُ إعلاني.. وإسراري


وأنتَ أدرى بإيمانٍ مننتَ به
علي.. ما خدشته كل أوزاري


أحببتُ لقياكَ.. حسن الظن يشفع لي
أيرتُجَى العفو إلاّ عند غفَّارِ؟]

د/ غازي القصيبي رحمه الله

شكرا شكرا للجميع

__________________

للتواصل / عبدالله العاطفي
al-gentel-2008@hotmail.com

صح لسانك يالعاطفي وبيض الله وجهك على هالرائعه
لاتحرمنا من جديدك

__________________

ان جيتني مرحب وان اقفيت لاباس والله ماودي الى اقفيت تاتي

ابوعلي القحطاني

مشششششششششششششكور وصح لسانك واهدي لك بيتين :

أنت من يصخر القاف ويطـوع الجـديد * * * ويقول الابيات ويحـكم عنوانها

تظهر العليا وأنت في المواقف سديد* * * وحظ المعاني يوم إنك صيوانها

اشكرك ولك تحياتي .

صح لسانك يا معيض


تقبل مرووووووووووووري

__________________


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ

شكرا شكرا للجميع

__________________

للتواصل / عبدالله العاطفي
al-gentel-2008@hotmail.com

ارحب ياعبدالله

وحياك وحي ماجبته يالجزل

صح لسانك


ولا عاد تبطي علينا ياخوك

__________________

لسماع قصائد الشاعر : سعيد بن مانع
اضغط هنا