قصيدة المشاركه في شاعر الوطن لـ فلاح ال مخلص اليامي

السلام عليكم ورحمة الله وبركاته
اخواني الكرام
هنا القصيده التي شارك بها الشاعر/ فلاح بن سالم آل مخلص اليامي
في مسابقة شاعر الوطن التي انطلقت منافساتها على قناة صدى الفضائيه
وتاهل الشاعر فلاح من اللجنه الي مرحله الــ 24 ونتمني للشاعرنا الرائع التوفيق في هذه المسابقه
واليكم القصيده .........

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]

يا جليل الملك بيرق من نصاك يرزي = يـا ملاذ المستجير اسمك ذاري وعزي
مالي الا ذكـرك وذكـرك سـلاح المومـن=حزت فيهـا النفـوس مـن النفـوس تقـزي
احتمـى الموقـف وجيـت اسابـق الخيالـه=حـدد المضمـار والوجـه العزيـز يعـزي
راكـب صفـرا حوافرهـا تشـق البييـداء=ناصيتهـا تنتخـي بـي والرمـاح تـهـزي
مـن مرابـط عـاديـات نــدر سبقـهـا=كل ما حدت علـى فـض الصفـوف تفـزي
تجبد النخوه وانـا اصـوت لهـا وازهمهـا=واعتـزي واقـول يابنـت الريـاح اعتـزي
فـي نبـا عبـد العزيـز موحـد الجزيـره=ثاقـب النظـره عـدو الغاشـم المبـتـزي
ناحر الجهـل بخناجـر سطوتـه واعزومـه=النجايـب مفحـمـات والخـيـول تـلـزي
نادرحـول علـى نجـد ولـطـم عايلـهـا=وارتفـع صـوت ينـادي للفخـر والعـزي
الحـكـم لله ثــم لعبدالعـزيـز الفيـصـل=كل الاسماء فالجزيره تحـت حكـم معـزي
الشجيـع الاصــوك المتـنـدر المتسـيـد=اعتـزى والـدم فايـر والدقـون تـجـزي
ياهل العوجـاء عزاويكـم تجـري الهايـب=روس قـــــوم رميكم كز وطعنكم دزي
من طمـع فيكـم بحـول الله تجـب حبالـه=يشطب اسمـه والبيـارق فالجبـال تـرزي
الحكـم لخـوان نـوره والــولا واجبـنـا=لـو مزهبـت البنـادق تحتجـي وتـكـزي
ياوطـن يفـداك مـن كفـر خـدم بيـت الله=غـرر بفكـره وعـاش مـشـرد ملـتـزي
شـق صـف المسلمـيـن الاول وهـددهـم=وانتحـر والغـاوي اللـي ورطـه متـوزي
علـمـوه وعلـمـو تباعـتـه واعـوانـه=والله ان تقضـف جنايزهـم بـدون معـزي
ان نصحناهـم وقلنـا السيـف تـو الخايـن=يضحكون اهل الخيانـه ضحكـت المتهـزي
يافتـى الارهــاب ماقـدامـك الا حتـفـك=السيوف الحـدب تصقـل والحبـال تمـزي
ضاعو اعوانك وضعـت الله يسـود وجهـك=قمت في غيـر المفاصـل بالحديـد تحـزي
انتصح والا وطنا منت كفو تطوله= دونه اللي رميهم كز وطعنهم دزي[/poem]

__________________

بيض الله وجهك يابومسفر


واليامي عزالله قصيدته كايفه وتستحق التاهل


شاعر جزل من الدرجه الاولي


بالرغم من عدم متابعتي للبرنامج

الله الله

لاهنت يابو مسفر على النقل الرائع ..

وعز الله انه شاعر ابو سالم وقصيده كاااااااااايفه ..

تقبل مروري نفداك ..

__________________

هلا بك ولاهنت ياحكيم الشور

__________________

صح الله لسان فلاح ال مخلص

شاعر ويستاهل


ولاهنت يابوفيصل

__________________

حمد بن مسفر الحبابي

hmh99956@hotmail.com

صح لسان الشاعر وليس مستغرب منه هذه الأبيات الجزلة وهو من ال مخلص ربع الشاعر القديم (صالح بن سمرة)

تقبل تحياتي ياعلي ولاهنت.

لاهنت يافلاح والله يعطييك العافيه

__________________

بيض الله وجهك

ارحب يابو مسفر وبيض الله وجهك على النقل دايم مواضيعك ترقى الى القمه اخوي على عساك تحيا

وابو مطلق شاعر يصخر القصيد على مايفوق خيال المتخيل واتمنى له التوفيق

تحياتي يابو مسفر

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم

صح لسان الشاعر فلاح آل مخلص على الجزله

ولاهنت على النقل يبومسفر



تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود