بسم الله الرحمن الرحيم

يسرني وبكل شرف ان اقدم هذه الابيات المتواضعه
في مدح الشاعر الكبير : فلاح بن محمد القرقاح .. شاعر النظم والمحاوره
وهي بلا شك لن توفيه حقه حيث ان ابو محمد شاعر علم ومن اسرة شعر وأدب وفراسه . وهو من الشعراء القلائل الذي يضرب بهم المثل .قارع كبار الشعراء منذو بداياته . وكان حازماً وصلباً في الدفاع عن نفسه وعن قبيلته في مواقف كثيره يسجلها التاريخ له .. وقدم شعر النبط كما يجب من حيث الجزاله والمعنى والقوة وكانت قصيدة البيعه المشهوره اللتي القاها امام خادم الحرمين الشريفين احدى القصائد اللتي يفخرون بها قبيلة قحطان كافه .. وغيرها من القصائد ...اضافه الى مايتميز به ابو محمد من صفات حميده جعلته من خيار الناس أدباً وخلقاً . ويحق لقبيلة قحطان ان تفخر وتعتز بهذا الشاعر .

( قرقاح ساس الزعامه )

[poem=font="Simplified Arabic,7,darkblue,normal,normal" bkcolor="transparent" bkimage="" border="double,medium,gray" type=4 line=0 align=center use=ex num="0,black"]
الراس يقـدح بالظفـر والقرامـه = والساس ساسـه طيبيـن السلالـه
والوجه فيـه الديـن والاستقامـه = والفعل فعل اللي تنومـس افعالـه
والشعر موهبته وفي ايده زمامـه = والطيب يظهر في فـلاح إكتمالـه
من راس عيد القرم ابوه وعمامـه = ومن راس شرثان المسمى خوالـه
وقرقاح راس الرمح ساس الزعامه = اسم(ن) يليق الطيب على ارجالـه
لهم لاذكـر المجـد ذروة سنامـه = اهل الكرم والجود واهل الشكالـه
دماحت الزلـه ارجـال الشهامـه = مزبنين اللـي حـدت بـه ليالـه
اطوال الوجيه ان قصرت كل قامه = عن المراجل والظفـر مـا تنالـه
اكرام النفوس اليا ارتخت كل هامه = لا طاحت انفوس الضعوف الدواله
انظارهم صوب السماء والغمامـه = ما تنحني الهامات الا فـي حالـه
وقت الصلاة وفي السجود ومقامه = في دعوة(ن) للرب جـل جلالـه
وان جات للفزعه ونطل العمامـه = يعلمون الغيـر ويـش الصمالـه
واللي تردى مـا تقسـه اعظامـه = ما يحسبونه لعنبو مـن غـدا لـه
احسابهـم للـي رفيـع(ن) مقامـه = ورجالهم للطيب يرخـص حلالـه
اموالهم بيـن العطـى والكرامـه = لا قـرط البخيـل علـى ريالـه
ورفيقهم لو جـار وقتـه وظامـه = حمايه(ن) له لين تصلـح احوالـه
وان جاهم الجاهل وقل احترامـه = خلوه فـي عميـاه والشـر فالـه
سفهة ضعيف النفس والا الخمامـه = هي واجبـه وأقـل شـي ينالـه
والا الكفو مـا يلحقونـه ملامـه = ويبشر بعز وطيب ما جاء في باله
والمدح في ربعي يا زين اغتنامـه = ويستاهلون المدح لا جـاء مجالـه
والشعر يا القرقاح في ايدك اخطامه = الشعر يفخـر بـك تزيـده كمالـه
وختامها ولكـل علـم(ن) ختامـه = ابي العذر يـا كاسبيـن الجمالـه
ان كان ما حصلت على العلامـه = علامـة النجـاح شعـر الجزالـه
في مدح من مدحه رفيع(ن) وسامه = واسمه يزيد اللي مدح فيـه طالـه
[/poem]

...

وسلامتكم ...