كمرات مراقبه سير في دبي

بسم الله الرحمن الرحيم

الرخصة والاستمارة واصفط على جنب

رح اركب الباص وانتظر كم ساعة ويمكن يوم ويمكن شهر لين يمتلي الباص عشان نوديكم الحجز

الرخصه والاستمارة واصفط على جنب

لا اصبر لا تصفط ياولد عمي وش يقرب لك فلان ولد خالة جد أمي من الرضاعة

خلاص امسك الرخصة والاستمارة وتفضل

=========
الي فوق هو سيناريو بسيط لنظام المرور عندنا طبعا سلم لي على التوعية العلمية بالمرور وأنظمته

ماتدري عنه الا اذا مسكوك يعني السرعة ومخالفاتها ماتدري عن العقوبات الا اذا انمسك واحد من اخوياك وخاس في

الحجز وين التوعية العلمية وين التوجيه

================
عموما الموضوع عن مرور دبي

كان عندهم وأظنه مايزال توعية بأضرار مخالفات الانظمة

وكان المرور في نهاية نشرة الاخبار يعرض مقاطع فيديو لمخالفات وحوادث بأسلوب ممتاز

واستفادوا من الكاميرات في الشوارع مو بس في رصد المخالفات ولكن في التوعية

وجابوا قصص لناس فقدوا عزيز أو أخ أو عائلة بسبب السرعة أو التهور

وهذا ملف فيديو عينة من المقاطع الي يجيبونها في نشرة الاخبار

أتمنى من مرورنا الموقر أنه يستفيد منهم مو جيدين بس في تجميع المخالفات

كمرا مراقبه سير روعه في دوله الامارات ولكم المقطع (( منقول للامانة )) روعه

شـــــــــارك برائيك ((مقطع سير لسيارات دبي))

__________________

أجمل شي في ألانسان قلب صافي يدعو لك

ابوريان انتبه من المرور السري

فعلا هذا اللي حاصل عندنا

أما مقطع الفديو صراحه فيه عبره لجيع مستخدمي الطريق

الله لايهينك يابوريان على المواضيع الجديده والمميزه لاعدمناك

تقبل تحياتي وتقديري

__________________

لاهنت يا بوريان

وللأسف نظام المرور عندنا فااااااشل

__________________
No thing

ولله الحمد

من يوم سقت كانت معي هايلكس 87 وبعتها ثم شريت أكسنت وجلسة معي فتره ثم شريت مرسدس 88 جلست معي فتره

ثم بعتها واليوم معي ددسن كملت معي حول ال6 أشهر

ولا قد جتني قسيمه

أتحدى أني قد قطعت 25 % من أشارات الرياض

ويومياً لازم أتعدى السرعه النضاميه


لاكن يا أخواني عليكم بالقبيله والكلام الطيب

عضو عليها بالنواذج

ووالله أني قد عودت من باب الباص أكثر من مره بالقبيله والكلام الطيب


أبو ريان

الله يوفقك ويحفضك

قد قلت لك من قبل أختياراتك في المواضيع تعجبنا

الله يوفقك ويكثر من أمثالك

__________________



لأستشاراتك القانونية أضغط هنا
لوجه الله تعالى

أبو ريان

ألف تحية شكر وتقدير

التوعية,,,التوعية....التوعية

__________________

مانقدر نقول شيء


بس بأمانه تلقى المرور عندنا يا أوكيه نظام حلو وزناس واعيه وسيارات سريه وكاميرات


يا ناس أغبياء ومايعرف يتعامل مع الناس بإسلوب وتوعيه رائعه


واللي يشوف حجز المرور والله العظيم شيء مقرب


لاهنت يابو ريان على طرحك وعلى المقطع والحقيقه عقليتك رائعة واسلوبك متميز


وانت مكسب لنا في هذا المجلس وفي النهايه مانقول غير مالك الا خشمك ولو كان عوج

__________________



اللهم أرحم والدتي ..وأجعل قبرها روضه من رياض الجنه..واسكنها جناتك

تحياتي لكم من الاعماق على مروركم يالغالين والف شكر

__________________

أجمل شي في ألانسان قلب صافي يدعو لك

هلا والله وغلا أبو ريان

موضوع مهم جدا

المرور عندا الله يخلف وين حنا وين اهل دبي

المهم عندنا القسيمة وبس

لكن التوعية والتعامل باحترام مافيه

تحياتي لك

__________________