أول مشاركة لي معكم وانشاء الله ما تكون الأخيرة بس أتمنى تبدون أراكم بكل صدق وموده

( الحب )
اللي يخون الحب وش حاجتي فيه *** غادر وهاوين درب الخيانه
يقطعك يا حب الخيانه وطاريه *** طاريه تكفون لا أنتو تجيبونه
الحب لامن حب قلبي يوفيه *** وعهده ليا منه مضى ما يخونه
إليا عطاني كامل الزين أيديه *** وضميته لصدري ووجنته خجلانه
عهدٍ علي ما أضيع أمانيه *** وعهدٍ على قلبي ما يعيش من دونه
وعهدي ليا مني عهدت أوفيه *** ولا أبور في عهدي لو أموت من دونه
بس القهر لا جاك خلك يدعيه *** ويتوه به قلبك وعينيك عميانه
أيتوه قلبك من الحب وداعيه *** ويزيد توه القلب لا بانت فتونه
وتتوه عينيك في الزين ومواريه *** خصن إليا أو غض لعيني بعينه
يا ليت للحب قاضي ولد عاويه *** والله لشكيه حتى يحكمونه
بس البلا لا شافه القاضي حكم فيه *** نسى القضاء والشريعه والحكم وشؤونه
وأنادي الشيخ وقال منتهيه *** دعواك ياللي تخون الحب ما تصونه
وطلعتنا والقلب حاست طواريه *** وعرفتنا أن القضية كلها خسرانه
يا منضمة حقوق الإنسان يا هيه *** يا بوش يا بلير يا كوفي عنانه
الحب لامن ضاع منهو يجازيه *** ما فيه بندن للمحبين ينصونه
عجزت ألاقي حل يا وين الاقيه *** عقلي غدى سكران والروح تعبانه
ما باقي إلا الشعر أبا أنخاه وارجيه *** وأطب في بحوره وأجول بميادينه
عله يروف بحال خله ومغليه *** لا جاته أبياتي وسمعها بإذنه
قلبي ترى من عقبها فيه ما فيه *** وزاده على ما فيه قسوة زمانه
النوم من حر مابي ما أهتنيه *** وتطري على بالي أفكار وجعانه
مرات ألوم القلب وش حاجتك فيه *** ومرات ألوم العين والعين هملانه
يا نفس توبي عن هواها وخليه *** ما عاد أبي الحب أو طارية وشجونه
ردت بعلمن ما طرت لي طواريه *** ولا جا على بالي والأعصاب تلفانه
الحب يا أبـــ فهيد ـــن لا حب راعيه *** ما ينسى لوهي تحضر أكفانه
والسيف لوهو يحوم قدام عينيه *** والنار لوهي تنغمس وسط شريانه
ولو تنقطع أيده وراسه ورجليه *** ما يبتعد عن دار خله ومضنونه
بس الله يعينك على الحب وبلاويه *** وتعيش باقي أيامك بدونه