رشح الجمس ولا الجيب

اخواني هذه قصيده قديمه للشاعر

حمد هادي المسردي رحمه الله

يالله عسى الجيبات نذرن على الجمس ________واللي يسب الجمس يبلى بعله
اللي ورد بشراع واللي ورد هبس_________كل التويوتا جعلها فدوتن له
خصن به اللي زودو فيه دفرنس________ هذاك سعد اللي يبي شوف خله
لاقدم السواق رجله على البنص________ماكتب في الطبلون حضره كله
ودريوله تكا وقال ارس ياترس _________من صممك يالجمس ربي يدله
قالو مدحت الجمس والجمس بالعكس________الجمس من يشريه باعه ومله
وما يقوله الا واحدن مامعه فلس_________يعذربه لما ركبه ما حصل له

الرد ولا اعرف اسم الشاعر

يامن هبيت الجيب نذرن على الجمس______--- ياللي غويت الخط دايم تزله
الجيب بانواعه الشاص والهبس__________ حطه على يمناك الخط بس دله
تبغاه في جبال تبغاه في طعس__________عشق له النمره والخوف خله
هذا رفيق الخط بس اعطه الخمس ______-تسمع صريره وكل هم لاتشله
الشاص ماطور مشحون بالحس ________سمع اللذي يسمع من كان بيشله
وصالون يازينه لاكبس الكبس________اعمى النظر والعينين ضحيتن له
صالون بانواعه الفي والاكس_____________________________---
هذاقصيدي لاجل الحقيقه وبس ________الجيب تراك يالجيب راسي تشله

اما انا ياعيني على الجمس وبس 454
وكل يعطي رايه وزايدها عفاكم

لا هنت على القصيدتين كل وحده احسن من الثانية

والله يرحم الشاعر الكبير حمد هادي


ارشح الجيب






.

لهنت يالعبيديويشرفني والله ردك

وين الباقين

السلام عليكم ورحمة الله وبركاته
ياليتك تنزل هــــــــذا الموضوع في منتدى معارض السيارات كان أحسن وسوف أرجو أنشــــــــاء الله أن أحد يرد عليك هذا وتقبل تحياتي 0
أبوعشق0

الجي اكس ..................................... وبس





الله على ما يبهج الصد ر يـا سعـود &&&& جكسٍ و من دار الخليجي شـر ينـاه

مـن دار زايـد يـوم جبنـاه مفـرود &&&& نقوة بخيـصٍ باخـصٍ فـي مزايـاه

من صنع بيطارٍ على الكفـر مـردود &&&& صاغه على ما نشتهـي يـوم سـوَّاه

ما و رِّده طرش البحر هافـي جـدود &&&& تر ثة0000000اللي هفت به مطاياه

و ارد بر يمي مـد ر كٍ كـل مطـرود &&&& هو منوة اللي حدِّه الضيـق و اشقـاه

جكسٍ زمى عن كـل عيـبٍ و منقـود &&&& فر خ الحر ار مو لَّع القلـب يشعـاه

ابيض بياض المرو ما قيـل مجحـود &&&& حاشاه عـن ذ م الكراسيـع حاشـاه

في طار ته سلـم المناعيـر معقـود&&&& و علـى جنوبـه للمشاكيـل عرقـاه

إليا انطلـق كنِّـه مشاويـح عبـرود&&&& و إليا قصـر كنِّـه تهـادي خونـداه

و اليا نهض صدره كما مزبـد الـذود &&&& حـرٍ عمـانـيٍ تفـاخـر بمجـنـاه

و اليا هوى من عالي الطعس جلمـود &&&& و اليا سبح مع بـارح الخـط عَّـزاه

وإلياعوى الشكمان و الخـط ممـدود&&&& كنِّه يجاوب مهرف الـر يـع بعـواه

و حس المكينة مشبـهٍ نغمـة العـود&&&& عـودٍ حضنـه ابـن سعيـد و تـولاَّه

و غنَّى على الميعاد يا مخلف و عـود &&&& جيتك و قلبـي لاهـب الحـب كَّـواه

ياعاذلي بالجكـس عذلـك بـلا فـود&&&& شورك تبـارك لـك و حنَّـا عصينـاه

مقرود من ذمِّه مـع النـاس مقـرود &&&& وإن ذ م وإن ما ذ م حنَّـا حمـد نـاه

شيخ المواتر ما بهـا زيـف وجحـود &&&& لار نـج لا ر و فــر ولاذ ا ولاذ اه

وعن وارد النيسان وكَّد علـى الُّـزود &&&& وش جاب مكفاخ اشقر الريش لحـداه

وعن وارد أمريكا فلا هـوب منشـود &&&& حاش النِّمار ة و الصـدار ة بيمنـاه

د ِقَّ الجيـوب و جلَّهـا قادهـا قـود &&&& و د قَّ الجيوب و جلَّها تطلب رضـاه

لله درِّ ه لا حــد يـنـاه لـلـكـود &&&& لله درّ ِه مـا خسـر مـن تهـقـواه

قلته عقب ما غرهد الصبـح غرهـود &&&& و جبته عقب ما هيَّض القلـب بغنـاه

أبـا اتمنَّـى د ام هبَّـت لـي النُّـود &&&& وأبا اتهيَّـض دامهـا جـت علـى آه

وسلااااااامتكم

__________________
سبحان الله وبحمده سبحان الله العظيم

اهنتوا على الردود

الاخ زهير بيض الله وجهك وياليتك حطيتها في موضوع مستقل علشان الكل يقراها

اااااااااااااااسف لاهنتوا

رحم الله الرائع رحمة واسعة

فشعره وابياته وقصيدة لن تمحيه الذاكرة


مشكور اخوي ؟؟؟؟؟

__________________
« اللهم كما أحسنت خَلقي فحسن خُلقي »

الموضوع جيد المشاركه طيبه
القصيده ممتازه وبيض الله وجهك على هذا الاختيار

ونرشح الجيب


وهناك ملاحظه مشاركاتك طبيه وحلوه ولها روح
وياليت يكون اسمك مثل مشاركاتك

نفس ما قال الاخ الخنفري المشاركات حلوه ولا فيها قصور
بس لو الاسم مثل المشاركات
ولا ابليس ملعون هذا اللي مسمي نفسك به