الصمت حكمه....................................

[poem=font="Simplified Arabic,5,blue,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
بسم الله أبدأ ياحسين التدابير=وأهدي قبل الأبيات عذب السلامي



ألّذ من درّ البكار المغاتير=لك يامْتحدّر من قروم ٍ كرامي

سر ياقلم وإكتب جديد التعابير=ترجم معاني فكر فيه إحتدامي



قامت تزاحم ظاميات التصاوير=تارد عليّه من ورايه وأمامي



على ذكر حسن النبا قامت تغير=بنات فكر ٍ حايمات ٍ ظوامي



يالشاعر اللي لاذكر ذكر بالخير=قافك عزيز وله رفيع المقامي



حزّة قريته جيت ماأتعبني السير=درهمت درهام الجزوع المظامي



مقبل على النيّه ولالي معاذير=والنور مايغلب عليه الظلامي



الأمر واضح مايبي له تفاسير=ولابحاجة ترجمان ومحامي



العقل نعمه لكن أحيانا ً يطير=لاعوّد القاضي خشير الحرامي



قد قالها راع الهدى والتباشير=يارد لظى ثلثينهم بالتمامي

بالله قلّي لاغدى خصمك آمير=ماينقلب بسط الحقيقه مقامي



في هالزمن ياصاحبي كلّش يصير=عادي إذا شحّ بمطره الغمامي



دام أرصدة تجارنا والمشاهير=حصيلة أرزاق الضعوف العوامي



أقصر طريق بوقتنا دهنة السير=ياكبر كذبة حظك إن قام قامي



ياعنك مابه شي ماجاه تغيير=حتى المبادئ والقيم والأسامي



شف شالح مسمّي على توني بلير=من عقب صيّاف ٍ ولافي وطامي



ياصاحبي جل ّ البشر نافخ الكير=للمسك والحامل وريحه سلامي



ثلثين تالي الليل غنّوا مقادير=وثلث ٍ لجى لله وصلى وصامي



لوغاية المؤمن عليها مداوير=ماكان عم ّ العُرب هالإنقسامي



كم قمّة ٍ تعقد وياكم تقارير=والتوصيه : عقد القمم للسلامي!!



أيّة سلام الله يمسيك بالخير=والوضع نفس الوضع خمسين عامي



هذا وأبأرفع لك مع الشكر تقرير=يمكن يبيّن لك خفايا نظامي



الوقت شيّبني وأنا توّي صغير=كان الهدف قبله وعزمي إمامي



حاولتها قلّبتها عيّت تصير=أحلام صلف ٍ ماأنصفته الأسامي



وردتها ياصاحبي جمّة البير=دام المصير لكل حلم ٍ هدامي



وسّدتها الأيمان في نايد الدير=وأعلنتها فرقى وصد وهيامي



والمشكله ياليت دمعي محادير=كان أهتنت عيني لذيذ المنامي



دمعات محزون العيون المساهير=عيّت تفارقني بنات الحرامي



للحزن بالدنيا قلوب ٍ مداوير=تطرد ورى الفرحه ولاهي تلامي



وأدركت أنا حزن القلوب المكاسير=والقلب كسره غير كسر العظامي



يعني التغطرس والكبر والمحاذير=ماوالله أقربها لو أصبح عدامي



الطيب ورثة جد من غير تبرير=ورث ٍ ورثته من خوال وعمامي



هذا وأقدّم للخطايا معاذير=والكبر لله عز رب الأنامي



تارد طواريّي وتنبت نواوير=وآجر موالي لو الجرح دامي



شفني وأنا من صبح لا حزة عصير=مغير أوجّه للمعاني سهامي



وأقنص شرايدها سواة الصقاقير=وآزيّن حروفي وأثمّن كلامي



والعذر ثم العذر لاصار تقصير=وعن قصرة التعبير عذري سلامي



ألّذ من در البكار المغاتير=مع التحيه والوفا وإحترامي



هذا وصلى الله عدد هدّة الطير=على النبي الهاشميّ وسلامي[/poem]

الله يعطيك العافية



شعر


بل درر


ابدعت

وشهادتي فيك مجروحة

لكن هذه الدرر والحكمة من كتابتها جعلتني اعيد قرائتها اكثر من مرة


صح لساااااااااااااااااااااااااااااااانك



ترليوووووووووووووووووووووووون

__________________

معيض بن صميع

صح لسانك وعلى شانك

من أجمل ماقرأت

وفقك الله

__________________



لأستشاراتك القانونية أضغط هنا
لوجه الله تعالى

وعليكم السلام ورحمة الله وبركاته

أرحب يابو علي تسلم والله روعه

__________________

أجمل شي في ألانسان قلب صافي يدعو لك

معيض الزهيري


صح والله لسااااانك يا وجه ولد الحااااارث



سبك وحبك


والله اني لو أكتب من هنا الى مكه ما وفيت هالقصيدة حقها ولا شارعها



تحياتي

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

صح الله السانك
قصيده ثمينه ولا تستغرب منك وامثالك
تقبل تحياتي
وفقك الله وحفظك

الا

صمتك

ليس حكمه

فكلامك هو الحكمة بعينها

وهو الصدق وهو العدل

فلا أسكت الله امثالك

عن الحق

والكلام العذب

فجميل ما تكتب لنا

دائماً

ولكن هذه فيها :

روعــــــــــــــــــــة

جــــــــمــــــــــــال

ابــــــــــــــــــــداع

احـــــــــــســــــاس

صـــــــــــــــــــــدق

مـــــشــــــاعـــــــر

ومع كل هذا

فلا عجب

ان كان القال

الشاعر الخلوق

معيض بن صميع

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

بسم الله الرحمن الرحيم
السلام عليكم ورحمة الله وبركاته



صح لساااااااااانك


والله يحفظ الجميع

__________________

وأقنص شرايدها سـواة الصقاقيـر
وآزيّن حروفـي وأثمّـن كلامـي

كفو .. وهذي عوايدك يالقرم

والعذر ثم العذر لاصـار تقصيـر
وعن قصرة التعبير عذري سلامـي

مجار من التقصير بيض الله وجهك

إلا وافي ولا تجيب إلا المفردات الجزله التي لايجيبها إلا انت وشرواك

صح لسانك مدد ولاهنت يامبدع

وتقبل تحيات اخوك ،،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

ااااااااالى الامام
مبدع
نتمنى لك التوفيق