الحباب ومغزاهم على قبيلة الدروع ( وقصيدة ابن شرثان )

عبدالله بن شرثان ال ناصر الحباب فارس من فرسان الحباب وقحطان وهو والد الشاعر

المعروف مبارك بن عبدالله بن شرثان صاحب القصايد الحماسية

-----------------------------------------------------------------------------------

غزا عبدالله بن شرثان ال ناصر الحباب على قبيلة الدروع وهي قبيلة عمانية معروفه

وكان مع ابن شرثان عدد قليل من ربعه ويوم وصلوا عند الدروع لقوا الابل وقفوا بها

ولحقهم الطرد من قبيلة الدروع ويقال ان عددهم كان كثير والتقوا الجمعان ودارت معركة

وثبتوا صبيان الحباب وكسبوا الابل الحباب وماخذوها الدروع ونجا ابن شرثان من الموت

فيه واحد من الرماه صوبه ولكن الله كتب له نصيب في الحياة .......


هذي مناسبة القصيدة .......

ويقول الشاعر مبارك بن عبدالله بن شرثان الحبابي يصف ويذكر فعول ربعه



قالها عام 1328هجري :





[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
يالله طلبـنـاك ياقـاضـي نوايبـنـا=ياعالم الغيـب رب البيـت معبـودي
طالبك تجعـل ثوابـك مـن وهايبنـا=تمحي خطانا وتغفـر زلـة العـودي
عود يقـول ان لنـا عـادات تجذبنـا=عند التوالي الى جاء ردهـا كـودي
ولانجهل اللي يوصـي فيـه شايبنـا=وصى ولاحن عن اللي قال برقـودي
قال الجمالـه ودرب العـز واجبنـا=والعمر يفنى وعلم الجـود ماجـودي
ويقول حولت يوم البـر ضـاق ابنـا=نهار لحقت اركاب القـوم بظمـودي
لحقت بأهلها على أثر الكسـب تتلبنـا=هجن عليها القرط والجعـد السـودي
عبـو تقـدم وعبويـن تحـف ابـنـا=وحنا عليهم نسـوق المـاو بركـودي
كن البرد من حقوق المـزن يرذبنـا=دندن رعدها وشبت الارض بـارودي
ثــم انثنيـنـا وعقلـنـا ركايبـنـا=والعيب من هج والا قظب مـردودي
خبـرة حبـاب كفينـا دون غايبـنـا=قطاعـة مانعـد النقـص والـزودي
ناطى الخطر كـن ماشـي بصايبنـا=من خوفة يلحـق الرجـال منقـودي
وفي مجلب الروح مانغلـي جلايبنـا=وماكتب للعبد في الالواح مرصـودي
فـرض علينـا تحـدي مـن يعاتبنـا=ومن لايدوس الخطر مايكسب القودي
ترعى وسيمـة عربنـا مـن سبايبنـا=يرتاب لاشافهـا الطمـاع ويحـودي
ونركب على أكوار طوعات تجول ابنا=جول القطا يوم شاف العـد مـارودي
تجتـال والقالـة العلـيـا مواربـنـا=وابليس ملعـون والحسـاد ملـدودي
حنـا الحبـاب وعبـدالله مناسبـنـا=وقحطان أبونا المسمى مورثة هـودي
من عصر الآجداد وحنا ضد حاربنـا=والله خلقنـا منيـة كـل مـقـرودي
وصلاة ربـي عـدد ماخـط كاتبنـا=على النبي عد ماهبت هـوى النـودي
[/poem]




منقوول من موقع قبيلة الحباب

ارحب يا علي

الله لا يهينك ويرحم والديك على ايراد التاريخ اللي يرفع براس

ال ناصر ربعنا ونعم في الديره والسيره ولا فيهم شك وهذا التاريخ يصطر فعولهم

تحياتي000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

لاهنت يا على على نقل القصه لنا

والله ومليوووووووون بصبيان قحطان


تقبل مروري يا القرم

__________________

ارررحب يالعبدي ولا انت جعل عمرك طويل والحباب ظلموا في الكتب والتاريخ ولابد ان يظهر النور والعزوة اللي للحين مانسيت وكان صداها في جبال تثليث (((( بلال الريق ابن العبد ))))))

ولانت نفدا خشمك