اقراء زين وفكر بالامر

بسم الله الرحمن الرحيم

لحقيقه فكرت كثير قبل طرح هذا الموضوع ولكن

وجدت اني اكتبه اريح بالي وارى الاراء منكم

الموضوع تكلموا فيه الناس كثير مابين مؤيد ومعارض

ولم يحل

الموضوع هو الجوال الاخير ابو كمرا وبلوتوث

والله ياخوان اني شفت اشياء في هذا الجوال تشيب راس الرضيع

والله بدون مبالغه ويوم افكر في الامر ان للجوال فوائد والله ماشفت شي يستحق الاهتمام

اقصد جوال البلوتوث والكمرا


ياخوان امور كثيره ماكنا نعرفها شفناها في هالجوال

كم من بنت ربي سترها وكم من ولد ربي ستر عليه قبل هالجوال

ومن يوم جاء نكب العالم وفضح الناس وطين عيشتهم واصبح اليوم اكثر الشباب هداهم الله في جوالاتهم صور ومقاطع فيديو
لامور خليعه مايرضاها عل نفسه ولا على اهله

ياخوان اسالكم بالله وش الفايده في هالجوال ابو كمرا وبلوتوث

ش الشي الي مانقدر على فرقاه ولا نستغني عنه في هالجوال

والله اني اشوف انه مامنه فايده

الا والله فضيحه لامور كانت خافيه ماحد يدري عنها يمكن سمع بس ماشاف ولا كان بيشوف الا بعد هالجوال ماجاء

والله ياخوان اني اشوف امور ماتصدق فيه واصبح بعض الناس هداهم الله يصورون انفسهم وهم مغطين وجيههم

بافعال وامور يسغرب منها العقل ليششششششششششش؟ عشان يطلع في الجول انها حركه جديده ومااحد قبله سواها

حتى لوكانت مخالفه للعقل والمنطق لاحول ولا قوة الا بالله

والله لوتفكرون شوي بالامر لتجدون ان الناس اختلفت افكارهم من يوم طلوع هالجوال وبعض الامور نشوفا الحين في الجوال يقولك عادي

عادي!!!!!!!!!!!!!


مابي اطول عليكم ياخوان والله عندي كلام كثير

لكن ابي اطلب منك طلب واحد فكروا شوي في هالجوال من يوم جاء عندنا ايش الامور والفضايح اللي سواها في بنات

الناس وشبابهم


وهل الفوائد المرجوه من الجوال هذا تستحق مانعانيه منه


بالله عليكم فكروا شوي وعلى فكره لاتقولون تطور وتكنولوجيا ارجوكم التطور يطور ويعلم اكثر

ماهو يهدم ويفضح ويحطم عوائل واسر باكملها من مقطع بلوتوث مدته 10ثواني





شكرا لكم واسف على الاطاله/////////////////////////////تحياتي

__________________

اخوي الغالي ابن


شامر لي عودة للموضوعك ان شاء الله


ولك مي هدية



هذه هي



8




8



8


وتراني ارسل لك التفاصيل على الخاص

الصور المرفقة

 

__________________
« اللهم كما أحسنت خَلقي فحسن خُلقي »

السلام عليكم ورحمة الله وبركاته

أخي ابن شامر

أنا معك في كل ماقلته

بس الجوال تقدر تسخر في الخير والشر

صح أنا شفنا فضايح ناس على الجوال

بس لو وصلتك رساله وفيها شي لاترضاه أنت عليك أنك تمسحها من الجوال ماهو تعين على نشر الشر

لانك لو جعلتها في الجوال صح أنك ماراح ترسلها لغيرك بس فيه أحد من الاصدقاء أو الاخوان راح يشوف

جوالك ويرسل على كيفه للجواله وأنت ماتدري وفي الاخير راح تكسب ذنب كل واحد شاف هذا المقطع لأنك

مامسحة هذا المقطع

واذا كنت صاحب عقل رزين ...أنت الي تتحكم في الجوال ماهو الي يتحكم فيك....

هذا ماأحببت أن أشير اليه

شكراًلك أخي ابن شامر على طرح هذا الموضوع

تحياتي
محبكم الشامري

__________________

ابن شامر جزاك الله خيراً على هذه النصيحة
ولكـــن هنك ايجابيات وسلبيات في أكثر الاشياء ونحن ننظر دائماً إلى الايجابيات ، أما إذا كان بعض الشباب هداهم الله والمشتتين فكرياً ورحياً مع الاسف لا نلومهم على هذا وينطبق عليهم قول الشاعر :
هي الاخلاق تنبت كالنبات
إذا سقيت بماء المكرمات
فأين تربوا هؤلاء
وقد فعل أولاة الامر جزاهم الله خيراً مع بعض الشباب ويشكر لهم فعلهم هذا
فأنا أقول يأتي هنا دور المدرسة ، ودور البيت والتربية ، ودور الرقابة من الاباء والامهات والاخوة وحتى الجيران نناصح ونوضح بالقول الحسن والمفيد وأرجع وأقول التربية هي الاساس في كل شيء

__________________

الجوال والكاميرا
أدوات محايدة
الأهم من يستخدمها
وإلا فالإنترنت ينطبق عليه ما ينطبق عليها

__________________
الـجـراد يـأكــل البـعـوض،
والعصفور يفــترس الجراد،
والحيّة تصطـاد العصـافير،
والـقنفـذ يــقــتـل الــحيّـة،
والـثعـلـب يأكـل الـقـنـفذ،
والـذئـب يفـترس الثـعـلـب،
والأســد يــقــتــل الـذئـب،
والإنسان يـصـطـاد الأسـد،
والـبـعـوض يـميت الإنسان ...

هذه هي السلسلة الخالدة لا تبديل لها ولا تغيير.

إما أن تقتل الأسد وإما أن يقتلك البعوض !!
فيا شباب ! لا يغلبكم البعوض ولكن اغلبوا الأسود.

( علي الطنطاوي )

اخوي فتى الجوه الله يعطيك الف الف عافيه

والله احرجتني بكرمك وعملك الزين

وجاني اكثر مما تمنيت

الله يبيض وجهك ومشكووووووووووووور


وسلامتك يالغالي

__________________

بسم الله الرحمن الرحيم

وبعد

شكرا لكل من شارك في الموضوع وعندي نقطه احب اوضحها

اعتقد انكم ما فهمتوها بالمعنى اللي اقصده وبالذات الشامري

وهي انا ما اقول ان الجوال ماهو مهم انا اقول ان مساوئه اكثر من محاسنه

والاخ الشامري الله يحفظه يقول لاجتك رساله لا تستقبلها ولا ترسلها

طيب من البدايه ليه تجيني ليه تتصور يعني ان كان فيه ضعاف نفوس ودهم يفضحون الناس لكن مالقوا هالجوال

ماكان يمديهم الا بطرق صعبه ويمكن يهونون

ياخوان القضيه اننا فكينا على انفسنا باب والله نهايته وخيمه

يعني ضعيف النفس لا نوى يسوي شي غلط ولكن مالقى الحوافز والمساعده بيهون ولا بتصعب عليه الشغله

واذا بتقولون الانترنت ياخوان صعب مايمديك تحطه بجيبك

وماهو كل واحد يمتلكه اما الجوال هذا مع الكبير والصغير والمفروض مهما كانت فايدة هالجوال

نمنعه لان يمكننا الاستغناء عنه وبيفكنا من مصايب يعني نضحي من اجل الخير

لاني مثل ما قلت مخاطره اكثر من منافعه

وسلامتكم

__________________