السلام عليكم ورحمة الله وبركاته

[poem=font="simplified arabic,4,black,bold,italic" bkcolor="transparent" bkimage="" border="groove,4,gray" type=1 line=0 align=center use=ex num="0,black""]
صدفة بلا سابق وعد او مقادير=جتني طيوف الزين بالامتحاني
حاولت اصد ولا لقيت التباشير=من وين ما وجهت طيفه حداني
وقفت بالمعمل وانا ماني بخير=يا ويل حالي يا صدوف الزماني
ابغى احل وحال دوني مسايير=واخطيت بين فلان واخو فلاني
صعبت علي وصار للوقت تأخير=ومدرسي غلطة ونشبة واناني
جاني وقلت ان الفرج شيء بيصير=ولا لقيت الخير من يوم جاني
لخبطت في حلي بلا اي تبرير=وقام يتفلسف ترجمان آل "خاني"
أنتا مافي معلوم.. هزا تياسير=زبط شوية.. وانتبه للمعاني
أواه يا ليتك بكابل وكشمير=ولا جابتك دنياك عندي عياني
ويوم ارتضيت اني جهلت التفاسير=وجهت له كلمة وانا في مكاني
قلت استمع يا خان.. يا باش.. يا امير=انا مع الكيمياء ربي بلاني
انا بدوي مالي ومال المقادير=وقلبي على حب المواليف لاني
يا باش زوله كلما طرف عصير=يقبل على روحي ويصدم كياني
ترني مذاكر واسأل البر والطير=حتى لهيب النار والبهبهاني
والحين جيتك يا زبون المخاسير=وابيك تتساهل معي بامتحاني
الظاهر اني طحت في غبة البير=يوم انتهزت ولا مسكت اللساني
اقفيت منه يا عساها تياسير=ويالله بداعي خير والعمر فاني

[/poem]

اخوي علي بن سعد بيض الله وجهك والله يوفقك

__________________