السلام عليكم ورحمة الله وبركاته

قصيدة الامير/نواف بن فيصل في والدته الاميره/منيره بنت سلطان بن عبدالعزيز رحمها الله


سبع وخمس سنين ياهي مريره...مابين خسف صاب دنياي وكسوف

يوم أنطفت شمس الجزيرة ظهيره ...وعني رحل فيصل وجت عجة ظروف

صارت حياتي لكل الأهات ديره ...وكنت الحزن كله تعابير وحروف

ودعت أبوي ولابقالي قلب غيره ...الا خفوق كنت به دوم محفوف

حضن الأمان اللي وهبني ضميره ...واللي سقاني كل طهر ومعروف

وأصدق شعورلفني في حريره ...وأحن صدر ضمني وأعـــــــــــذب وصوف

أمي ,بكل الأوصاف توصف كبيره...ومن غيرها يقدر يبرد على الجــــــوف

بنت السمو اللي زهت به مســــيره ... وأم الجريح اللي من العمر محــــذوف

سبت فجعني والمناياشطيــــــره ... وحتوف لاحل القدر طاحت سيوف

سبت لحق سبت وتاهت بصيره ...ورجعت أون ,وعود الوجه مخطوف

اصيح وأشهق والسعيره سعيره ... ويارب صبرني ...يارب ملهوف

فقدتها يارب هدي السريره ... ماابتل ريقي وينها؟ وياضما روف

كن القمر من عقبهامات طيره ...وتوشح ثياب الكدر واقبل خسوف

عزا وعزتني صفوف كثيره ...ومافهيم اللي رد صبح لمكفوف!

ماعادت ديارالسهاري منيره ...ظلما هنا وهناك .والباقي طيوف

وذكرى تزلزلني ودمعه غزيره...وطفل يتيم هده البعد والخوف

مكسورولاتنفع بكسره جبيره ...مقهورمابيده ولاشئ مكتــــــــوف

لبست ثياب احرام عمره اخيره...وصار الكفن في عرش رب السما يطوف

ربي يتقبل نــــــــــــــيتك يالفقيره ... وحنا برجوا خالق العالم ضعوف

يمه:صمت, وموجعــات عسيره ...وضيقه ورا ضيقه,وهم,وعاصـوف

يمه:وداع ,وخيرة الله خــــــــيره ...وفي ذمة الله كلنا بـأرضه ضيوف

أقول وش أقول :راحت (منيره)...يعني فقدت النبض والسمع والشوف

أحسنت أخوي فارس

صح الله لسان سمو الأمير فيصل وجبر الله مصابه

وكسره نسأل الله أن يتغمد والده ووالدته بالجنة

والغفران , قصيدة معاناة وحزن

وهذا حال الدنيا مشكور

__________________

لاهنت يابومبارك على المرور ...............................

__________________
ودنا بالطيب لو في الدهر جحاد ....كل ماتخلص معا الناس كنك تغشها

ارحب يافارس

والله لايهينك على النقل

قصيده مؤثره جدا

وهذا حال الدنيا وكل من عليها فان

ابدع سمو الامير في هذي القصيده

لاتحرمنا جديدك يالقرم

تحياتي

__________________

لا هنت يابو عساف .........مرورك وردك شرف لي نفداك ........,

__________________
ودنا بالطيب لو في الدهر جحاد ....كل ماتخلص معا الناس كنك تغشها

ارحب يا فارس
قصيدة مؤثرة ورائعة ومن نقلها اروع يسعدك ربي دنيا واخرة

__________________

الله لايهينك على الردود الي تحمسنا

__________________
ودنا بالطيب لو في الدهر جحاد ....كل ماتخلص معا الناس كنك تغشها

الله يرحمها ويسكنها الجنة ..

والله يجبر عزاء الامير فيصل ..

لاهنت يا فارس على هذا النقل ..

__________________

أحسنت أخوي فارس

__________________

الله يرحم المومنين والمومنات والمسلمين والمسلمات الاحياء منهم والاموات اللهم آمين
اللهم ارزقنا الجنه وماقرب اليها من قول او عمل واللهم باعد بيننا وبين النار وماقرب اليها من قول او عمل اللهم آمين

__________________
الله يرحم المومنين والمومنات والمسلمين والمسلمات الاحياء منهم والاموات اللهم آمين
اللهم ارزقنا الجنه وماقرب اليها من قول او عمل واللهم باعد بيننا وبين النار وماقرب اليها من قول او عمل اللهم آمين