اهدى لكم يالغلاه

مراسله بيني وبين الشاعر الراااائع \\ علي بن هادي الهاجري

اتمنى ان تكون عند ظنكم واستحسانكم

[poem=font="Simplified Arabic,6,darkblue,bold,italic" bkcolor="transparent" bkimage="backgrounds/8.gif" border="none,medium,gray" type=4 line=0 align=center use=ex num="0,black"]
هواجيس فكري ياعلي ترتفع بي فـوق=على متن طيـارة هواجيـس وهميـه
وانا كبتن الرحله والأخبار في الصندوق=دخلنا الكبينـه والكبينـه خصوصيـه
طلعنا الفضا رغبه ولهفه وحب وشوق=نحقـق تمانـي مرحلتـا الدراسـيـه
لقينا زحل والجدي وسهيل قبل نـروق=وشفنا القمر وسط النجـوم السماويـه
نزلنا وحنا في عجل سابق ومسبـوق=نسابق مدار الوقـت سرعـه جنونيـه
رسينا على قمة جبل معتلـي شاهـوق=وسيع المسافـه وسـط غرفـه ثنايـه
تفكرة في شمس الحقيقه ضحا وشروق=وحسبة المسافه بين هـاذي وهاذيـه
نظرة بعيوني في السما نظرة المحروق=وتوجدت وجد اللي غـزوه الحراميـه
فلا عادها الله رحلة " من وراها عـوق=على متن طيـاره هواجيـس وهميـه[/poem]

الرد \\

من اخوي الهاجري

[poem=font="Simplified Arabic,6,darkblue,bold,italic" bkcolor="transparent" bkimage="backgrounds/8.gif" border="none,medium,gray" type=4 line=0 align=center use=ex num="0,black"]
هواجيس فكرك يالحبابي لها طـاروق=ولو رحت في رحله طويلـه وجويـه
لنا الله ياكبتـن معانيـه فـن وذوق=لنـا الله ياشاعـر معانيـه منقـيـه
وصلت بمكان ماوصل قبلكم مخلـوق=مجرات واجـرام ومقابيـس ناريـه
تسوق المكوك المعتبر في مداره سوق=وكنك مهاجم وسط غـارات حربيـه
محطات لرصاد أعتنت والخبر موثوق=وتعلن هبوطك في الديـار الخلاويـه
وجتنا نتايج لجتماع اللـذي مغلـوق=مع شخصك الغالي على شكل برقيـه
تبين الحقايق لو مع عبرة المخنـوق=وتبقى طوال الدهـر ماهـي بمنسيـه
كلام الفصاحه لو تبهرج وجاله سوق=وصفق له الجمهور صبح" وعصريـه
تشع الحقيقه في ظلامه سواة بـروق=لها صفحة" من سابق الوقت مطويـه [/poem]

__________________

أرحب يارائد تراحيب المطر

صوت وصدى

فيه من الجزاله والشعر الحقيقي والمعاني الطيبه

صح لسانك أنت والهاجري

وبيض الله وجهيكم يالقروم

ودعواتي لك بالتوفيق والسداد

تقبل ودي وتقديري لشخصك الكريم

__________________

يا سلام ياسلام صحت السنتكم جميع مساجله رائع جدا , تقبل مروري وتقديري

ابو عساااف

شرفني مرورك الغاااالي ياغااالي

لاعدمنااااااك

__________________

صح الله السان الشعراء

صح لسانك يارايد

مميز وكلماتك مميزه

وتقبل ود بحر

__________________

قصيدتان رائعتان وممتعتان

صح لسانك يابومحمد وبيض الله وجهك

والطيب مانستغربه من هل الطيب


تقبل تحيات اخوك الصغير

__________________

حمد بن مسفر الحبابي

hmh99956@hotmail.com

ارحب يابو الكرم (تجينا علومك يالسنافي)ذكر الحيا والطيبين يبين

دايم ابوحمد يثني عليك

امالقصيده فيها تصوير رايع وفيها من الجزاله الشي الكثير

صح الله السنة الشعراء مساجلة جدا رائعة