( من الارشيف )

هذه القصيده قلتها في حفل اخي العزيز على بن رفده ( ابو نواف ) بعد شاعر المليوبن

اتمنى ان تروق لذايقتكم


امجاد شاعر
***********


[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
كن السحاب اللي تكاشف بروقه = احلام بدو للمخايل تخايل

والبرق يشغفها وتتبع حقوقه= ترجي المزون اللي تشق الخمايل

والحلم مطلب والتعالي يعوقه = والتيه خلف للعطاشا ملايل

اكثر من الثلثين واهل السبوقه = صدوا وهم يضربهم في المثايل

ومن يضرب الكايد تميز طروقه = والمجد ناسه ماتدور بدايل

مثل العطيفي يوم بين شروقه = وعد الفرايد من نواصي لصايل

والمجد عشقه والاماني تسوقه = والزند يقدح من عظيم الفتايل

والفعل وافي والنشاما تروقه = وتاقت لها حتى النفوس الغلايل

ومن سل سيف العز واحكم وثوقه = وبانت مواقيفه على كل طايل

ترفع له البيضا وتحفظ حقوقه = شاعر علم . فارس . ونعم الفعايل

شيخ ولد شيخ تبين فروقه = من لابة تعرف بوقت الصمايل

في حربها سيف وساع فتوقه = وفي سلمها تلقى عيال الحمايل

سم على كبد المعادي حروقه = ولضيفها ترخص مع الطيب حايل

ونفسي على مدح النشاما شفوقه = اقولها بالفعل والشك زايل

ارضيت فكر ماتناسا غبوقه = اضحى على دربك يسوق الجمايل

والحر لا من ضاق قطع سبوقه = وابرم جناحينه ولا هو بسايل

وانت كذا حراً . وساع شدوقه = صيده سمين مايصيد العلايل

اطربني الموقف وطيبه وذوقه = كامل ولله العزيز الكمايل

وانا عبيدي كل عليا تشوقه = ربعي مخضبة السيوف الصقايل

جينا نبارك لبن رفده لحوقه = ركب الرموز الشامخه بالدلايل

والجد واحد قلب تنبض عروقه = قحطان ون عدة فعول القبايل

وياشاعر المليون في القلب توقه = لمشاهد الفريس فوق الاصايل [/poem]



ذيب العبيدي