ايـش أقـول إليا فعلـت الجمايل فالهويــن == عقبها ينثـر علـى دربـك المقصـور شــوك

بسم الله الرحمن الرحيم

مساكم/ صبحكم الله بالخير ... قصيدة موضوعها فيها

وأتمنى أن تنال إعجابكم :


[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يالله إني طالبك يا إله العالمين=ياكريمٍ ماتخيِّب عبادك لادعوك
بإسمك أبدأ وأنتهي وألتجي لك وأستعين=والخلايق كلهم فالفيافي سبحوك
بإسمك أبدأ يا إلهي وعني يامعين=في زمانٍ ماتساهل على اللي مانصوك
هاضني من سبة الناس ماهاض الحزين=من فقد حاله وماله وصكَّتْه الصكوك
كل يوم يقول يالله تزينها تزين=لكن الدنيا تزيده على همه شكوك
ايش أقول إليا تحاكى وضيعٍ مستهين=بالرجال اللي على كل طيبٍ سايسوك
ايش أقول إليا تكبَّر وزاد أبا الحصين=عالذياب اللي على عزها دايم تصوك
ايش أقول إليا تمالوا قفاك السافلين=بالرذايل والهزايل ولاهم حشموك
ايش أقول إليا فعلت الجمايل فالهوين=عقبها ينثر على دربك المقصور شوك
والله إن اللي ذكرته جرا يامسلمين=والفطين اللي يعرف المناهج والسلوك
ياسقى الله مامضى يازمان الأولين=فالفقر تلقى الطرب والحجاج اللي ضحوك
شيمةٍ من بينهم حفظ حق الأخرين=إن كبيرٍ قدروك إن صغيرٍ ارحموك
كلما سار الزمن شانت أيام السنين=وأصبحت دنيا الفتى من شبوكٍ في شبوك
الشدايد تجعل الرجل عندك يستبين=لاوقف في ماقفٍ وقفته وقفة ملوك
وكلمتين يارفيقي قفاها كلمتين=وأخبر اللي مثل شرواك لامن هم لقوك
الكفو لا جاك حطه على يدْك اليمين=والردي وإن جاك قله تقلع رحم أبوك[/poem]

عامر سعيد الوهابي

__________________


والله إنه صادق

بيض الله وجهك يا بو سعيد جزل يا الفرم

__________________

يا سلام يا سلام صح لسانك يا عامر عز الله جزله يا القرم

صح لسانك لييين ترضا

الـشـدايـد تـجـعـل الـرجــل عــنــدك يسـتـبـيـن *** لاوقــف فـــي مـاقــفٍ وقـفـتـه وقـفــة مـلــوك
وكـلـمـتــيــن يـارفــيــقــي قــفــاهـــا كـلـمـتــيــن *** وأخبـر اللـي مثـل شـرواك لامـن هـم لـقـوك
الكـفـو لا جــاك حـطـه عـلـى يــدْك اليـمـيـن *** والــردي وإن جــاك قـلـه تـقـلـع رحـــم أبـــوك


صح الله لسانك يا عامر واعتلى شانك

قصيدة جزله ومليانه وانا اعتبر هذه الدره من عيون الشعر وانا انتظر جديد مثايلك

تقبل مروري العطر

مسفر بن جليد / عبدالله الهاجري / صالح الكيرعاني



صحت أبدانكم والله لايهينكم على المرور وشاكر ومقدر لكم.

__________________


والله إنه صادق

ياسقى الله مامضـى يازمـان الأوليـن فالفقر تلقى الطرب والحجاج اللي ضحوك
الله الله الله يابو سعيد صح والله لسانك وانشهد انه الواقع في هذا العصرررررررررررررر

لك تحياتي

__________________

صح لسانك واعتلى شانك قصيدة وااااافيه

صح لسانك اشهد انها ابيات جزلة

__________________

أبو صقر // حامد القريشي // المناضل السليماني

أشكركم جميعا على المرور وصحت أبدانكم والله لايهينكم....

__________________


والله إنه صادق

تسلم ياعامر ولاهانت هواجيسك رجلن فحل طيبن متواضعن صامل
الله يحيي نباك ويلعن بليسك شاعر تصيب الهدف ماتعرف اتجامل