@ حوار بين اثنين سمعهم ثقيل @

اثنين مصريين سمعهم ثقيل جداً واقفين على محطة الاتوبيس ودار بينهم


الحوارالتالي

الأول : الاتوبيس ده بيروح مــصر الجديدة؟


الثاني : على الحديدة !!... ليه انت طالب احسان ؟


الأول : بذرة الكتان !! لا .. دي تلاقيها عند العطار


الثاني : جزار!! اه ..قوللي كده .. عايز تشتري لحمة


الأول : معك حق.. الدنيا زحمة ..علشان ده ميعاد خروج الموظفين


الثاني : نور الدين !! لا والله .. ماعرفوهش


الأول : ما بتشربوش!! ليه ..كفا الله الشر


الثاني : رأس البر !!! ..ده مــصيف هادي


الأول .: عايز تركب للمعادي... دي منطقة جميلة


الثاني : بليلة !! انت شكلك كده جعان


الأول : عيان!!! أي والله .انت باين عليك عيان ..طيب ما تروح للدكتور


الثاني: الحنطور!! ده احسن من الأتوبيس ، وبيوصلني لحد الباب


الأول : هبــــاب !!! وانا اللي كنت فاكرك محترم


الثاني : اتخـرم !! هو مين ؟؟


الأول : عاوز اسـبرين ! ليه انت عندك صداع ؟


الثاني : قراع !!! ينهار اسود . ده مرض خطير


الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي


الثاني: خالي !!! انت تعرف خالي ؟ ده راجل كبير في السن


الأول : الجن !!! نهارك مش فايت ..انت عليك عفريت .!؟


الثاني : لا والله ..ممعاييش.. انت عايز الكبريت ليه ؟ عايز تولع؟


الأول : أدلع !!! أدلع عليك انت!؟ انت ما تملاش عنيا


الثاني : يقبضوا عليا !! ليه !؟


الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش


الثاني : خيش !!! والله ده صوف انجليزي


الأول: بنتك زيزي !!! ربنا يخلي...


الثاني : إنتاج محلي !!!! ده مستورد


يمر شاويش ... يلفت انتباهه الحوار، : بتعمل ايه يا جدع منك له!!!


الاتنين: ايوة يا شاويش ...احنا مستنين الأتوبيس


الشاويش :جواسيس !!!! نهاركم مش فايت ....قدامي على القسم بسرعة

__________________

تحياتي لك يبن خرصان

__________________

أجمل شي في ألانسان قلب صافي يدعو لك

ياساتر كلهم الصعايده ما من سمع
لاهنت على المشاركه

__________________

هخهخهخهه

حلوة سوالف الصنجان ودايم ماتحصل لهم مواقف محرجة

الله يعافيهم ولا يبلانا

__________________

شاكر الاخوان على المرور

__________________

وش قلت يا ابن خرصان ها

ماني اسمع

__________________

سفير بني بشر

ما أبي لا تواقيع ولا صور،،،،

يكفي أسمي بني بشر ينحني له الف شمس وقمر،،،،

يكفي أذا طرونا الناس قالوا لنا هلا،،،،

وأذا طرينا الناس ردوا أمرنوا أمر،،،،

يكفي أننا لهم جرح ودوى،،،،

وأغلب كلامنا يشوفنه عبر،،،،

ما هو غرور لي قلنا أن لهم شرف،،،،

وهم بعد لي أحسبهم أكبر فخر،،،،، قحطان

هههههههههه خشوا في مشااريع مسررررررريه

__________________

هذي حالتي مع مجالس قحطان