اهداء للأستاذ :عبدالله بداح الشهراني

[poem=font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
الطيب اليا غاب ما غاب طاريه=والخيب اليا غاب ما عنه نشاد
والكفو لا من غاب بنقول له ليه=ولا الردي ما لي بشوفه ليا عاد
سلام.. للي كل مجد(ن) يباريه=عبدالله اللي لا وقف تخضع اسياد
كريم سبلا" من عنا له يلاقيه=في مجلس(ن)لاهل الوفا فيه ميعاد
لابو بداح اللي بطيبه يحليه=ايجود به لو غيره يشح ما جاد
لو امدحه في كل ميقاف ما اوفيه=ما اوفيه لو المدح في حضرته زاد
لن المدايح كلها منه وفيه=ما كنها الا له على طول تنقاد
يفخر بها دايم وهي تفتخر فيه=وذي عادة الطيب وعادات الاجواد
الله يطول عمر عود(ن) مربيه=شيخ(ن) وخلف له رجال(ن)له سناد
سيفه بدم عداه دايم يحنيه=وذي عادة اجداده بعد من عصر عاد
ومجد اشهران(ن)منهو اللي بيخفيه=إمن الجنوب لنجد لاسوار بغداد
ما نيب قايلها لاجل شي(ن)ابغيه=وشعر المصالح يالله ان جعله يباد
وحق(ن) علي امدح راع الطيب واهديه=قصيدتن(مضمونها المسك والكاد)
من شاعر(ن) يحكمه صوغه قوافيه=على ورود العد صادر ووراد
والشعر ماهو بالدنانير نشريه=الشعر وهبه والتصناع ما فاد
اسبك بيوته صح واظبط معانيه=ولا ينقده في حبكته كل نقاد
والختم يا سامع لقولي وقاريه=صلوا عدد برق(ن) تقفاه رعاد
على الرسول اللي بالأرواح نفديه=امحمد الهادي الى الخير بارشاد[/poem]

اخي نايف


رايعة جميله

وكل طيب يستاهل المدح


صح لسانك

والله يوفقك


همسه
------

حرف النون ماله داعي


وقد يسلب القصيده جمالها

ويخفي احياناً الزحف

تحيات



ذيب العبيدي

الطـيـب الـيــا غـــاب مـــا غـــاب طـاريــه *** والـخـيـب الـيــا غـــاب مـــا عـنــه نــشــاد
والكـفـو لا مــن غــاب بـنـقـول لـــه لـيــه *** ولا الـــردي مـــا لـــي بـشـوفـه لـيــا عـــاد


صح الله لسانك يا نايف واعتلى شانك

قصيدة جزله ومليانه و لا تمدح الا كفو وانا انتظر جديد مثايلك

تقبل مروري العطر

صح بدنك يا الكيرعاني


ولا هنت على مرورك المميز


تقديري لشخصك

صح لسانك وبيض الله وجهك ولاهنت وتقبل مروري

لو امدحه في كل ميقـاف مـا اوفيـه
ما اوفيه لو المدح فـي حضرتـه زاد

الله الله يابو عبدالله الحبابي صح لسانك وعلى شانك قصيده من راس مطنوخ ونشهد لاهنت 000

ويستا هل بو بداح الشهراني ولاتمدح إلاًكفو يالكفو لاهنت يالذرب 0000000000

__________________