إليا مدحت أمدح كفو وإليا خدمت أخدم كريم ... ترا رديّ الفعل لايمدح ولا يخدم بخيل
السلام عليكم ورحمة الله وبركاته
ابيات للتواصل والمعذره على الإنقطاع الخارج عن الإراده
صلو على النبي
[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أحيان يعييك الدهر حتـى ولـو إنـك حكيـم= تصبر على جوره وتقنع من صروفه بالقليـل
لكن تعلم من دروس الوقـت وأفهـم يافهيـم=وأخذ الكلام اللي عليه اثبات برهـان ودليـل
إليا مدحت أمدح كفو وإليا خدمت أخدم كريـم=ترا رديّ الفعـل لايمـدح ولا يخـدم بخيـل
ولا تخاوي اللي على قول الخواجه سيم سيـم=يظهر على وجه الردى ولا على وجه الجميـل
وأعلم تراك من الجليس ومن تخالل والنديـم=إن كان راس كنت راس إن كان ذيلٍ كنت ذيل
خلك مع أهل الدين والمعروف والنهج السليـم=اللي يبادي ذكرهـا نعـم المخالـل والخليـل
وأقلط على اللي يعشقون الطيب والعز المديـم=تامن بهم لاضاقت الدنيـا وضيّعـت السبيـل
أجواد تلقاهم سواة النور فـي الليـل الظليـم=وقفاتهم عند العواني والخوي تشفـي الغليـل
وأحذر من اللي همهم عند العوايـل والحريـم=ترهم ضعاف نفوس لو زادو من المال الحصيل
أرزاقهم هبابهم والبخـل فـي الحلـه مديـم=والخير ماتذكر به قصـار اليمانـي مستحيـل
هاذي نتايج تجربه وأمثال قيلـت مـن قديـم=فيها العْبر تاخذ بها العقّال مـن جيـل لجيـل
أقولها من هيض ولا غيض والعقـل الحليـم=يدري بها في مجمل الواقع ولا يدري الهبيـل
[/poem]
__________________
[poem=font="Simplified Arabic,5,black,bold,normal" bkcolor="transparent" bkimage="" border="none,5,gray" type=0 line=0 align=center use=ex num="0,black""]
حنّا زهير أهل الوفا وأهل الكرم = وأهل المواقف فزعة المضهود
الضيف يلقى عندنا طيب وشحم = وأما المعادي سلّة وبارود
تاريخنا من قبل رفراف العلم = عــزٍ عباد الله عليه شهود [/poem]
فاصل
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض العرب معاد نسمع خبرها =مدري حيا ولّى مع الميتيني
ناسٍ تغيب سنين محدٍ ذكرها= وناسٍ تغاب أيام كنها سنيني
[/poem]