عبدالله بن شايع الزهيري (سراب الحلم) في جريده اليوم

ياسعد عينك ياشقر الريش سعداه
تلعب على كرّ الهواء وين ما رحت
ولاغدت كبدك من الاآح والاآه
مثل الهشيم اللي سحته الضماء سحت
والله لو تبدي على الحال والله
وتشوفني بالعين من شوفتي طحت
واللي ورا عوج السراجيف يبراه
لولا السحى بيّحت مكنوني وصحت
ياوجد روحي كلما دكّ وجداه
مزّع خفوقي والمعاليق من تحت
يلفح بها لفح الدليّ المعرقاه
في عيلمٍ منحوتةٍ في الصْخر نحت
قد ي ثمان سنين والحال يلحاه
وأكناه وأداريه وأموت مافصحت
في خاطري وأصبرعلى حدّ شلفاه
وإن ذقت منّه غصة الضيق سبّحت
الجرح ينزف دمّ والمر ينكاه
والعين ترقب كل مامسيت وأصبحت
حلم الحياه اللي خذا العقل وأعياه
راحت سنين العمر يا حلم ما بحت
والياس خيّم وأحرق القلب وأفناه
كم ناح من بين المحاني وكم نحت
الحظ يضلع والضروف اتحداه
والهم عنّه تمرح الناس مامرحت
ويلاه من بعض المواقيف ويلاه
في عين شذّاب العراقيب لافلحت
وأنا العزيز اللي تبهذل بدنياه
على رحايل جرد الايام لوّحت
أطرد سراب الحلم في كل مضماه
لاهو تحقق لي ولاني تريحت


تجدونها علي الرابط
http://www.alyaum.com/issue/article....5&I=641434&G=1

__________________

صح لسان الشاعر عبدالله ولاهنت ابو فيصل على هذالنقل

ما شاء الله عليك
تقبل مرورري

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

حياك الله اخي الغالي

انا سعيد بمرورك علي مشاركتي

دمت بكل الود

__________________

صح الله لسان قايلها
وتسلم يـــد ناقلها
لاهنت يالغالي الله يعطيكـ العافيه
دمتم بــــــود
تحياااااااااااااااااااتي

__________________

صح السانه وسلمت يمنا من تعب على الموضوع
وتقبل مروري

ارحب ارحب يا ابو فيصل
صح الله السان الشاعر ولاهنت انت وبيض الله وجهك
تقبل تحياتي

صح لسان أبو شايع ..

ولاهنت على النقل يا بو فيصل ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

الأخ علي الله يبيض وجهك على هالقصيدة الرائعة


حلم الحياه اللي خذا العقل وأعياه
راحت سنين العمر يا حلم ما بحت
والياس خيّم وأحرق القلب وأفناه
كم ناح من بين المحاني وكم نحت
الحظ يضلع والضروف اتحداه
والهم عنّه تمرح الناس مامرحت


تصوير لمعاناة خمس سنوات الله يتمم على خير ........



لا تحرمنا من مشاركاتك المميزة .......

__________________
لا تمــــشي خلفي قد لا أقــــودك ولا تمـــــــــشي أمـــــــــامي قد لا أتبعـــــك ولـــــــــــــــكن دعنــــا بجــــانب بعض ونـــــكـــــون أصـــــدقــــاء









من حسن إســـــــــلام المرء تركــــــــــــه ما لا يعـــــــــــــنيـــــــــــــه .

بيض الله وجهك يالزهيري وصح لسانك