فـتـنـة لميــــس

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=sp num="0,black"]
ياكثركم كثراه يامال النفود=ياهل القصايد والمدايح في لميس
رحتوا ضحايا للشفايف والخدود=اللي عليها من دقيق الفن كيس
القدس محتله تحت حكم اليهود=مستيسره في حكم طاغوت نجيس
وبغداد في حكم الثعالب والقرود=لا شعب لادوله ولا حتى رئييس
رسولنا سبّوه والعالم شهود=وتاريخنا يرفس به الطاغي رفيس
عدونا من خلفنا يبغي يسود=له خطة واهداف يضرسها ضريس
اسلامنا كل العداء ضده تكود=من اكبر الحاخام لين اصغر لويس
اطفالنا تقتل على يد الحقود=وابطالنا راحوا ضحايا خندريس
واسلاحنا ماغير نرجم بالحيود= واطلق شنب فينا معه بندق رويس
شح المطر لانو لابرق ورعود=والارض مثل النار تلهب في يبيس
وحنا نغني في لميس ام الجعود= والوضع عادي للجليس وللونبيس
ياحيف ويش اللي حصل ياهل العهود؟=يا احفاد من يحمى ليا حمي الوطــيس
اللي على الاسلام والسنه تذود=اللي تدوس الشرك واصنامه دويس
امجادكم في نقص واعداكم تزود=غرتكم الدنيا ويغريكم بليس
نسمع قصيد جعل يومه مايعود=والهرج له مقياس وين اللي يقيس؟
لصار مال الهرج في معناه فود=احسن تسد ااذنك ودور لك جليس
الهرش يبقى هرش والحاشي قعود=والحر يبقى حر ولا الهيس هيس
ياللي تناسيتو من الرب الودود=تعوذوا من نزغة ابليس الخسيس
وجيهكم من كثر ماتعصاه سود=واللي غفل عن طاعة المولى تعيس
توبوا عن الزلات واصحوا يارقود=وتمعّنوا في حالة الحال البئيس
المشكله صار العدم مثل الوجود=وانتوا هل التوحيد معدنكم نفيس
ياهل الشهامه ياعريبين الجدود=لاتندبون الوقت والحظ النحيس
اظن مايحتاج للسائل ردود=الرد والمعنى على جبهة لميس[/poem]

__________________

ياهل الشهامه ياعريبين الجدود
لاتندبون الوقت والحظ النحيس
اظن مايحتاج للسائل ردود
الرد والمعنى على جبهة لميس

الله الله صح لسانك يا وجه قحطان اشهد انك جزل بكل ما تعنيه الكلمة تقبل مروري

نص في غاية الشموخ يابو نايف

وبيض الله وجهك ولاهنت وعزالله انك أجدت الصياغة
وتفردت في كثير من الصور الشعرية بحرفنة مبدع


صح الله لسانك يابو نايف ملالالالايين

صح لسااااااانكـ يابن غفرة



واااافي يالقرم وااااافي


نص جميل ومعبرة



لافض فوووووووووووك



تقديري,,,,,

__________________
[poem font="Simplified Arabic,6,sienna,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
انا تراني من ضنا سالم الزير = واعد نفسي واحدن من عياله

من صلب وايل والنبا ساحة الطير= ياسعد من هو (وايل) العز آله [/poem]

مبدع دايم ولا املك تعليق يليق بالقصيده او من كتب القصيده

ابونايف

صح الله لسانك ملالالاين وبيض الله وجهك

قصيده جزله وشامخه وفي موضوع مهم جدا

وكما عرفناك ياشاعر الاحداث مميز ومبدع

جعلك تبطي حي تقبل مرور اعجابي الدائم

__________________

قصيده جزله


صح لسانك وفي انتظار جديدك


لاهنت

جزله من شاعر جزل

كفو الله يبيض وجهك

أقديت


ولا هنت

صح لسانك والله لايهينك

__________________
ALHUBABI2007@HOTMAIL.COM

بيض الله

وجههك على هذه القصيدة الشامخة ولا هي غريبه منك العلوم الجزله


وصح لسانك

امجادكم في نقص واعداكم تزود

غرتكم الدنيا ويغريكم بليس

نسمع قصيد جعل يومه مايعود

والهرج له مقياس وين اللي يقيس؟

لصار مال الهرج في معناه فود

احسن تسد ااذنك ودور لك جليس