أشكر زمـــاني

انا اشكر زماني لو طعني بخنـجر غــدر
وابا عيش له طول العمر دوم ممتـــــنــــي
علمني ان ما كـــل جدر(ن) يـظ لل جدر
وبين لي الوافي واهل ضحكة الســنــــــــي
وبين لي ان بعض المواقف جمايل هـدر
وترجع علي سيه بشلفا وتطـــــــعنـــــــــي
واقصور المذله ماتسـاوي بعيـني خــدر
وهو خدر لاذرى ولاهو مظلــــــــــلنــــــي
اليا بار بدلته ولو كـــــــــــان فيـة سدر
وانا اعيش راسي فوق هانـي ومتنـــــــــي
واعيون الحــرار اعيونها ماتعاين حدر
لها هقوة(ن)عليا وتصــــدر وتردنـــــــي
ومن يتبع المقــــفي ردي (ن)ولاله قدر
يطرد سراب اللال عانـــــي ومتعـــــنـــي
وليلي الياما طال وابطـــــى طلوع البدر
ابهر دلال الصـــبر من كـــــايف البـــــــنــي
اهمومي هيال اقبورها من ظلوع الصدر
ولو طال مشواري تعب خيـــــــر من انــــــي
افرح هل النمــــــات من جوي اللي كـدر
واتسوق البشاير لاتضــــــــــــايقت واتغـنـــي
فلا يازماني كــــــــــان تدري والا فأدر
انا عزمي اكبر والجـــلد ميـــــزتي فنــــــي
ولو كان هقواتي بطيب الليـــــــالي ندر
ابرقب كرمها ياعســـى يوم ياصــــلنــــــي
روابع رعى الوقفات تنور ظــلام الغدر
جمل للحمول اليـــا نخيـــــــته يجملنـــــــي




الشاعر/محمد بن عبدالله بشير المسردي (ابوذيب المسردي

صح لسان الشاعر ولاهنت يا ابن عمي على النقل..

__________________

ياابن العم هذه القصيدة لي وليست منقوله من احد(محمد بن عبدالله بن بشير المسردي-ابوذيب المسردي)

والله ونعم يا صبيان مسرد

وصح لسانك يالقرم

ويكفيكم شاعر المعجزه رحمتة الله عليه حمد بن هادي المسردي

أخوك البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح الله لسانك يابوذيب وننتظر المزيد