قصيده الشاعر بندر العبدالله الجبر الرشيد في مدح الامير سلمان

قدمت لنا جريده الرياضيه عدد 8183
اليوم الأربعاء 10_3_1431هــ الموافق 24 _ 2_ 2010م
قصيده رائعه للشاعر المبدع بندر العبدالله الجبر الرشيد
في مدح صاحب السمو الملكي الامير سلمان بن عبدالعزيز ال سعود امير منطقه الرياض
الذي بالفعل يستحق المدح والثناء اترككم مع هذا الشامخه

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يخلد لنا التاريخ من ماضي الازمان =مواقف رجال وكل جيل يعلم جيل
مثل مالفديع وشالح اصدق وفاء لاخوان =ومثل مايكن الزير لكليب من تبجيل
لكن تتفق الاذهان او تختلف الاذهان = ابقول كلمة حق عن قولها مااميل
حرام ما جاء التاريخ شخص مثل سلمان=وانا دون قولي واحتمي قولي بدليل
وقف مع فهد اول ووقف مع سلطان =مثال الوفاء والعز ماله ابد مثيل
ياتاريخ سجل للوفاء والنقاء عنوان =باسم سيدي سلمان مايقبل التعديل
ياتاريخ لونمدح ماتكفي به الاوزان =لو ان القلم سنجار والحبر نهر النيل
ليا شفت شخصه شفت ابو تركي كحيلان = ولا مات من خلف على دنيته حلحيل
امبر الظفر شيخ السطر للعدل ميزان = يقص الحقوق ويرتقي فوق نجم سهيل
يقود ويجود ويبري كبود بالاحسان =تجيلك فعوله قبل قوله بلا تأجيل
اسد في عرينه كن يمينه مرب امزان = تهل المطر وليا امطرت جاء وراها سيل
مطرها على شعبه يجي دايما هتان = لكنها على العدوان نار لهبها ويل
تفاخر وطنا في سموه على الاوطان =ولاهي غريبه والزمن بين حط وشيل
ياتاريخ سجل سيدي للوفاء عنوان =تعلم به الاجيال جيل يعلم جيل[/poem]

الشاعر بندر العبدالله الجبر الرشيد

__________________

اررررررحب يا ابو فيصل

وصح الله السان الشاعر بندر الرشيد
ويستاهل الامير سلمان المديح والقصيد

وسلمت يمناك من العطب وجعلها للشحم يا الحبابي

والله لا يهينك

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أرحب يا بو فيصل ..

صح الله لسان الشاعر بندر العبد الله الرشيد ..

ويستاهل الأمير سلمان بن عبد العزيز المدح والثناء ..

ولا هنت يا الغالي على نقل هذه الرائعة ..

أشكرك جزيل الشكر ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

مرحبا يابو مسفر

صح لسان الشاعر بندر العبد الله الرشيد ..

ويستاهل الأمير سلمان بن عبد العزيز المدح والثناء ..

ولا هنت يا الغالي على نقل هذه الرائعة

اااااارحب يبو فيصل


كل الشكر ع الطرح



تحيااااااتي

__________________

هلابك ياسعيد ولاهنت علي مرورك

__________________

أرحب يا بو فيصل ..

صح الله لسان الشاعر بندر العبد الله الرشيد ..

وال الرشيد معروفين بالشيخه والشعرالجزل من الاف السنين

ويستاهل الأمير سلمان بن عبد العزيز المدح والثناء ..

ولا هنت يا الغالي على نقل هذه الرائعة ..

أشكرك جزيل الشكر