الامير ناصربن خليل وموقعة ضلع الخليلين ضد قبيلة مطير

الامير ناصر بن خليل ( راعي البويضا ) :-

امير آل شهوان عاش فيجوف بني هاجر الاحساء وقطر في القرن الثالث عشر، فارس شجاع شارك في معظم معارك بني هاجر وكان الساعد الأيمن للشيخ قاسم بن ثاني في تكوين إمارة آل ثاني في قطر. مدحه كثير من الشعراء منهم العقيد حويد العاصمي القحطاني عندما اشترك مع بني هاجر في معركة بين قبيلة بني هاجر وبين قبيلة مطير بالقرب من ضلعان يعرفان بالخليلين :

[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
يا الله اللي تستجيب لطلبتي= طلبة مصلي ساجد لشراق

اغفر ذنوبي لا وزيت بحفره =في يوم حر والمكان ضياق

من النعيرية نوينا بروحه = البل تدرج والجموع تساق

وردنا على علوا سلالة ناهس =ثم استوى كدر العجاج أطباق

ساقوا مزينهم وسقنا عليهم = كل أبلج في الهوش ما ينساق

وسود إيلا سارت سار معها ملك=وجمع يسمى وأسمه الدلاق

زادوا بعسم وزادنا الله بناصر= سهيل اليماني لا بدا شعاق

يضرب بشلفا لين درا مطيرها = مثل المزادة عزلها دفاق

يا عوني اللي يوم واجه حفيفنا = تماري به اللي ما لها عشاق

يا صابين البن صبوا لناصر = صبوا له الفنجال قبل يذاق

يركب على صفرا نظير نايفه = ويحلب لها عند العتيم فواق

تطعن لعنا هجمة شمخ الذرا =تحدر وتسند ما تشيل ارفاق

إرفاقها كل أبلج فوق سابق = جذرا الفخذ من فوق جرو الساق

وتامن سمح الكعوب ثمانية = يا من به الطياح والملحوق



وهذا قصيدة للفارس الامير ناصر بن خليل في فرسه :-

لي سابق زينه هاذيب = راحت وانا ما اسخيتها

لي شالفا ما تحي الصويب = على الحريب دربتها

[/poem]

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

لاهنت يالصالاني

وبيض الله وجهك

والله يرحم الأمير ناصر بن خليل

وياليت لو تورد لنا موقعة ضلع الخليلين اذا امكن

وشكرا لك



اخوك
فارس قحطان

__________________

اخوي الغالي
الصالاني
يعطيك العافيه وبيض وجهك على ذا المشاركه الذربه اللي ترفع الراس .وكفو والله كفو ببني هاجر
وهم معروفين بمعاركهم ولهم بطولات ومواقف ترفع الراس وتشرف
ورحم الله الشيخ ناصر بن خليل ..وعلى راي اخوي فارس نرجو ان توافينا باالسالفه ان امكن
وننتظر منك المزيد من المشاركات الجزله ...ياالجزل

اخوك
خالد

__________________
[frame="4 60"]لااله الاانت سبحانك اني كنت من الظالمين [/frame]

يعطيك ألف عافيه على الموضوع


والنعم والله بالهواجر


وأنتمنا منك الأكثر

اخوووووك
هاوي نجد

__________________
لا آله الا الله .. محمداً رسول الله

فارس قحطان لاهنت على المرور

وانشاء الله اللبي طلبك

وكتابة موضوع كامل عن احداث هذه الموقعه

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

لا هنت

قصايد وعلوم تبيض الوجه

في وقت الربيع كان بني هاجرمربيعين في السوده شمالي النعيريه حاليا

بمحاذاة الصمان ديار قبيلة مطير

وصارت مناوشات بين القبيلتين

فغزا بعض الفرسان المشهورين من قبيلة مطير على ابل بني هاجر ولكن بني هاجر كانو لهم بالمرصاد فقتلوهم

وغضبت قبيلة مطير وارادت الاخذ بثأر باحد فرسانهم المشهورين وعلم الامير شافي بالامر فجمع قبيلة بني هاجر واعلمهم بالامر فتجمعو في مكان يقال له انقير
وفعلا رحلو بني هاجر ونزلو في إنقير وجات جموع مطير على الوعد وتحاربو أ لعدة أيام


وكانت خيالة بني هاجر إذا إرجعو من الطراد يعرضون قدام إبن شافي وكل ماعرض خيال إعتزا
قال إبن شافي لا تنعمون لآحد فلما جاء ناصر إبن خليل ال شهوان إعتزا وهو يحدي على فرسه وقد تغير لونها من كثرة ألدم وغبار المعركه
قال إبن شافي نعمو لناصر إبن خليل قال إبن خليل لا تنعمون لي يابني هاجرـ د امني ماظهرتهم إلصبح من بين ذا الحزمين فلا تنعمولي (قولة نعم يحسبون لها إلرجال الف إحساب مهوب هاالايام ـ ـ ـ ـ ـ ـقولة ونعم صارت تقال ـ ـ ـ ـ ـ لحيا وبيا ـ ـ ـ )
نرجع للسالفه ـ ـ ـ إبن خليل يوم أصبح الصبح ركب إفرسه وخذا سيفه وغار على القوم وأظهرهم من بين الحزمين كما وعد وسمي الحزمين با ألخليلين من عقب ذاك إليوم الى اليوم بأسم الفارس الشيخ ناصر بن خليل ال شهوان
لما رجع ناصرإبن خليل من ا لمعركه كانت يده يابسه على مقبض السيف من الدم
إنتصرو بني هاجر في هذه المعركه وقتتل ناصرإبن خليل إدليم بن عسم من الدوشان مع فرسان غيره
بعد هذه المعركه قال حويدي العاصمي قحطان وقد حظر الهيه يصف المعركه ويمدح بني هاجر وخصوصا ناصرإبن خليل

مع العلم ان الفارس والشاعر حويدي عايش حياته كلها مع قبيلة بني هاجر وفي اخر القصيده يقول حنا بني هاجر عريب جدنا لانه يعتبر نفسه من بني هاجر لحبه لهم رحمه الله

يالله ياللي تستجيب لطلبتي === طلبة مصلي ساجد لشراق
اغفر ذنوبي لا وزيت بحفره === في يوم حر والمكان ضياق
من النعيريه نوينا بروحه === البل تدرج والجموع تساق
وردنا على علوا سلالة ناهس === ثم استوى كدر العجاج اطباق
ساقو مزينهم زسقنا عليهم = ==كل ابلج في الهوش ماينساق
اسود ايلا سارت مللك === وجمع يسمى واسمه الدلاق
زادوا بعسم وزادنا الله بناصر = ==سهيل اليماني لابدا شعاق
يضرب بشلفا لين در امطيرها === مثل المزادة عزلها دفاق
ياعوني اللي يوم واجه حفيفنا === تماري به اللي مالها عشاق
ياصبين البن صبو لناصر === صبوا له الفنجال قبل يذاق
يركب على صفرا نظيره نايفه = ==ويحلب لها عند العتيم فواق
وحنا بني هاجر عريب جدنا = ==في الكتب لمن فلت الاوراق

فقال ناصرإبن خليل تخير يا يالعاصمي في ناقه حره بشدادها وبندقها او في قلاعه من الخيل من اول كسب.
قال حويدي لو اضمن إنك تعيش لين تجيب قلاعه صبرت لكني ابي الحاظر فعطاه ناصرإبن خليل الحره والبندق

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

بيض الله وجهك بياوجه زيدان


وافين داائما