رديه بين الجمس وراعيه.

رديه بين الجمس وراعيه.

--------------------------------------------------------------------------------

السلام عليكم

قصيده للشاعر :حمد بن سعد الدليهي الخالدي


الدليهي


ماعاد لك ياجمس في خاطري كرت00من يوم ساقوك الغشم والوراعين
انااشهد اني منك عزلت دبرت00ماعاد اطالع فيك ابطارف العين



الجمس


الله واكبر يالدليهي تكبرت00خليتني شفقن بركب السيادين
ماهو بحق اليوم عني تنكرت00تلعبي الورعان وسط البلادين






الدليهي


جار الزمن ياجمس فيك وتعثرت00ولانسيتك يوم جمع المحبين
واليوم روح كنك اليوم ماصرت00لاصار وقتك يجمع الزين والشين





الجمس


اذكر زمان فات كانك تذكرت00حكمك علي حكم الرجال السلاطين
اسرفت فيني يالدليهي واسرفت00اسرفت بي سرف اليهود بفلسطين




الدليهي


فكرت في مافات ياجمس فكرت00عديت نفسي من حساب الخبالين
كم مرة ضيقت صدري وبنشرت00والناس ماتاقف على الدرب ماشين





الجمس


كم مرة فيها زعلت وتكدرت00وسريت بي فالليل والناس ممسين
في مطلبك يالخالدي ماتعذرت00رفيق صافي لك على العسر واللين





الدليهي


هيهات كم مره علينا تبعثرت00وكم ورشة فيها مضالك اسبوعين
هذي طبوعك كلها ماتغيرت00غربلتني وذهبتني دين في دين






الجمس


يعني خلاص تقول يالخالدي برت00يوم انزلوا بالمدن كل البداوين
ياما وردت العد وامرار صدرت00على الوعر تعشيق من ثالث اثنين
وسط الغماره مع وليفك تخدرت00وبدر الغريب يجاوب الصوت صوتين




الدليهي


يالعنبوك اسكت تراني تفجرت00وكل العلوم الماضيه جبتها منين
خلاص انا قررت شاريك قررت00وكل السوالف خلها فيك بعدين
بذبح بدل حلفي كرامه وكفرت00والناس لوتزعل اناوانت راضين
تمشي بي الدنيا وانا ماتطورت00ابيع واشري جمس خلفه قزوزيييين

ارحب يابدر

لاهنت على النقل الرائع

وصح لسان الدليهي وجمسه

ودمت بصحه ،،

.

__________________

.
اللهم إني أعوذُ بك
من علمٍ لا ينفع ..
ومن قلبٍ لا يخشع ..
ومن نفسٍ لا تشبع ..
ومن دعوةٍ لا يُستجاب لها
.

الله يبيضك وجهك ع النقل

وبيض الله وجه الدليهي ع القصيده

لاهنت

__________________