أول مشاركة للشاعر عيد الغوازي

بسم الله الرحمن الرحيم

أخواني الأداريين والأعضاء أقدم لكم أول مشاركة شعرية وعسى أن تعتلي إلى ذائقتكم وشكراً.
أخوكم الشاعر /عيد الغوازي

[poem=font="Simplified Arabic,5,crimson,bold,normal" bkcolor="transparent" bkimage="" border="none,medium,gray" type=1 line=1 align=center use=ex num="0,black"]
القاف والمعنى وزين الطواريق=لها بوسط القلب ودّ وعلاقه
تجيني جمع ولا تجيني تفاريق=وأقوم أرتبها بعقل ورواقه
وأغوص غبات البحور الغواريق=ولا ضقت من موج البحر وأصطفاقه
وأقطف ورودُ يانعات ٍ غرانيق=وأقدمه للمستمع وسط باقه
وأنقش على صم الحيود الصلافيق=أبيوت عز ٍ مادخلها لفاقه
وأرقابها روس الجبال الشواهيق=وأخذ سمان الهرج وأترك دقاقه
وياهم ياللي حل بين المعاليق=والقلب للطاروق زاد أشتياقه
ودي أفسر واقعي بالتحاقيق=والخافي المجهول نكشف نطاقه
ياقلب لا تهتم ولا يلحقك ضيق=لا شفت من غير سلوم الصداقه
ناس ٍ تتابع شفّها بالتوافيق=تبّاعة دروب الردا والحماقه
أهل المصالح والنكت والتعاليق=تخفيه في ثوب الوفاء والأناقه
ولو يلزم الرجال عهد ومواثيق=كلً على ماقيل عنده بطاقه
ولاني على صدور الرجاجيل باأويق=نغتر في عمق البحر من زراقه
ولا ورد اليابان سلعه بتلفيق=والمر مرّ ما تغير مذاقه
أبجامل الأصحاب ولو كنت ماطيق=للعقل عقل وللطفاقه طفاقه
وما دام ذخري بالرجال المطاليق=أفعالهم ناموس طيب وطلاقه
وقسمي من الفنجال الأول ليا سيق=وكل المراجل ورث جد وعشاقه
فلا عادني بأهتم ولاعاد باأضيق= مادام لي عزوه وربع ورفاقه[/poem]

__________________

ارحب ياعيد تراحيب المطر

وأغوص غبات البحـور الغواريـق
ولا ضقت من موج البحر وأصطفاقه
وأقطـف ورودُ يانعـات ٍ غرانيـق
وأقدمـه للمستمـع وسـط بـاقـه
وأنقش على صم الحيود الصلافيـق
أبيـوت عـز ٍ مادخلهـا لفـاقـه

بيض الله وجهك قدمت لنا الشعر

ولاني على صدور الرجاجيل باأويق
نغتر في عمق البحر مـن زراقـه

ياسلام عليك .


وقسمي من الفنجال الأول ليا سيـق
وكل المراجل ورث جـد وعشاقـه
فلا عادني بأهتم ولاعـاد باأضيـق
مادام لـي عـزوه وربـع ورفاقـه

كفو كفو

تقبل مروري وانا والاخوان بالمنتدى سعداء بحضورك

__________________