ياكثر لوحات التهاني بالاعياد

السلام عليكم ،

لاحظ الشاعر الرائع والمعروف سداح هذه الايام كثرة لوحات التهنئه بالعيد السعيد
عند إشارات المرور من شخصيات مهمه ! انقل لكم هذا الابيات
للشاعرنا المتميز امل ان تنال استحسانكم

[poem=font="Simplified Arabic,6,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يا كثر لوحات التهانـي بالأعيـاد
اللي تحيينـا علـى كـلّ إشـاره

هذا .. مثبّتها على الأرض بأوتـاد
وهذا .. ربطها في عمود الإنـاره

تجمّعوا صدفه على غيـر ميعـاد
نـاس ٍ تعايدنـا بنفـس العبـاره

فيهم عضو سابق بعد ما رسب عاد
يعـاود الكـرّه ويخلـف مسـاره

وفيهم عضو حالي ولاعنه نشّـاد
وبكره يحطوّنـه وزيـر الـوزاره

وفيهم جديد الوجه وثيابـه جـداد
يكبـرّ الصـوره ويرفـع شعـاره

زفواّ تهانيهـم مجاميـع وأفـراد
وعسى البلد ينعم في ظل ازدهـاره

بالمصلحه ماهيب بالملـح والـزاد
لو بعضهم ما سرّ ضيفـه وجـاره

يومين والثالث ولوحـات الأجـواد
تطيح وتصبـح نكبـة ٍ للحضـاره

ثم عاد دوّرهم بعد ما أخلوا المـاد
وأن دار راس الحول جوك النّماره

سيناريو في كـلّ الأعيـاد ينعـاد
صارت مفاهيم التهانـي تجـاره !

أثر النفـاق الإجتماعـي ليـا زاد
عجّـل بفقـع الزايـده والمـراره

بانت على ما قيل والسلـك منقـاد
ولا ضيّع الشطّار غيـر الشطـاره

أقولها صادق على روس الأشهـاد
رد ٍ على بعض التهاني خسـاره ! [/poem]

وسلمتوا ،،