عرض مشاركة واحدة
قديم 22-09-2013, 11:29 PM
  #1
ال مسفر
عضو
تاريخ التسجيل: Aug 2008
المشاركات: 39
ال مسفر is a glorious beacon of lightال مسفر is a glorious beacon of lightال مسفر is a glorious beacon of lightال مسفر is a glorious beacon of lightال مسفر is a glorious beacon of lightال مسفر is a glorious beacon of light
افتراضي ردية بين الشاعرين (فريج الفلحه & حرفاش الكدادي)

السلام عليكم ورحمة الله وبركاته

مسيكم بالخير ياصبيان اقحطان

هذه ردية عينتها عند الشيبان بين الفارس فريج الفلحه والفارس ناصر بن ناشي المعروف ب(حرفاش) أثناء (حرب باقم)


يقول فريج:

ناصر المنعور حماي التوالي -----عيد اهل هجنٍ مزاهبهم قليله
شان حالي من تعزاب الصلالي----في خميس امشيط والغربة طويله
قاعدٍ في مقعدٍ ماهوب غالي ------غير ماعينت في فرقاه حيله


رد عليه حرفاش:

ماحلا يافريج قراب الغوالي-----كل وجنن حايلٍ وألها ثميله
الزغون اوساع واعضودٍ جلالي--والبواهر بدْة الغارب تشيله
روٌحن من تندحة مثل الريالي-----والدليله قدمهن يومي شليله
لاخذينا فوقها حشفة ليالي------لين هجرٍ توها تزمي انخيله
لين لفينا حاكمٍ نزلٍ وغالي------جعل حن نلقاه ما نلقى بديله


رحمهم الله جميعا واموات المسلمين

حبيت أنقلها لكم لكي لاتنسى مع الزمن والكل يعرف ماعاد بقى من اللي يحفظون الا القليل فاالله الله في ابوانكم وشيبانكم من ربوعكم لاتخلونهم انشدوهم كل انسان يحاول يجمع عن فخذه على الاقل لكي تتم في النهاية جمع مجموعة من القصائد التي تحفظ تاريخ القبيله من عبث العابثين.
فتشاركوا في حفظ موروث جدانا الذي جعل لنا فخر نفخر به بين جميع القبائل.

اخوكم% آل مسفر
ال مسفر غير متواجد حالياً  
رد مع اقتباس