تحيه طيبه للجميع


قصيده اهديها لكم واعتذر عن التأخير


وعسى ان تحوز على رضاكم






[poem=font="Traditional Arabic,6,white,bold,normal" bkcolor="limegreen" bkimage="" border="none,5,gray" type=0 line=0 align=center use=ex num="0,black"]
(معـــاً ضــــد الارهــــاب)

‘‘ ‘‘ ‘‘

يالله ياللي تبدي الشمس وتغيـب=بأمره وتدبيره على الكون كلّـه
يامرتّب دورات الايـام ترتيـب=ودورات الاشهروالسنه والاهلـه
سبحانك القايل لنا ادعوني اجيب=وحبل الرجا بيديك عقده وحلّـه
احفظ لنا ياعالم السـر والغيـب=روس ٍ بها كل العـرب مستظلـه
خيّالة العوجا هل المدح والطيـب=مواقـف تبهج،وطيـبٍ يـدلّـه
مخضبة جرد السيـوف المحاديـب=لاشوّش العايـل بسيفـه وسلّـه
عون القصير مطوّعين الاصاعيـب=شيّالة حمـول الصديـق المكلّـه
زبن لمن صكّت عليـه المغاليـب=سقم الحريب مداوية كـل علّـه
عاداتهـم لاصرّبـن المشاريـب=والحلق حتى الريـق عيّـا يبلّـه
تارد على حوض المنايا لياهيـب=في حزّة فيهـا الصمايـل مقلّـه
واحفظ وطنا من جميع التسابيـب=وراعي الردى يامالك الملك ذلّـه
مهد الرساله والقيم والتراحيـب=وفيها لرمز الطيب مدخن ودلّـه
هو ملتجانا من سموم اللواهيـب=وحنا ليا جات الدبايل حمـى لـه
على ثرى ارضه عايشين على طيب=يفخر بنا مجده وحنـا اهـل لـه
غلاه من بين الضلـوع المحاديـب=يجري بدم الشعب طبـع وجبلّـه
هذا وطن ماهو بمسرح تجاريـب=ولاغير ملّة ديـن الاسـلام ملّـه
دونه رجال يفتلـون الاشانيـب=وارواحهم وقت الطلب فدوتلّـه
حامينها يوم السنين الشلاهيـب=واليـوم مانرضـى عليهابـزلـه
واسلامنا دين وتسامح وتهذيـب=ومنزّه من كـل نقـص وخِلّـه
وسدنا بشرع الله والحاسد يهيـب=حتى لو الحُسـاد ماهـم بقِلـه
ماهمّنا تبّاعـة الشـك والريـب=لو حاولوا الارهاب في كل حِلـه
ناس غدوا لابليس رَكب ومناديب=تبرك لحمل ابليس غصب وتشلّـه
ولعقولهم شفره سواة الحواسيـب=مبرمجـه لايمـكـن تـقـول لله
تودّي اللي يطلب ابليس وتجيـب=شيفة عرب وعقولهـا مستَحلـه
يجيك حتفه شايله داخل الجيـب=ويبيع نفسه لو على جـدر فلـه
ماحسّبـوا للخاتمـه والعواقيـب=حيـاة ذل وميتـة مستـذلـه
قتل وتطرف واستباحه وتخريـب=وتكفير وارهاب وسلـوك مخِلـه
حثالة اوكارها فـي السراديـب=وسمومها في افكارهـا المضمحلّـه
استخدموا كل الحيل والاساليـب=واللي يبي راعي الحيل ماحصلّـه
سود القلب ملاحقين المشاهيـب=مثل المرض لاناش عضـو يسلّـه
وان كان باقي له علاج وتطبيـب=باللي يزحّ راس الفتى مـن محلّـه
هذا الدواء اللي يجعل الباقي يطيب=ويعدّل اللي يخلف الوقـت دَلّـه
نقضي عليها قبل ياتي لها صيـب=وتكثر خفافيش الظـلام المظِلّـه
والموقف الغصاب ماعنه تجنيـب=والعز جمعـا !! والتفـرّق مذَلـه
ولايفرّقنـا دعايـه وترهـيـب=ومن غرّتـه نفسـه وضيّع؟ندلـه
في ظل ابو فيصل عطيب المظاريب=رجل السلام اللي يشرّف سجلّـه
وظلال ابو متعب حصان الاطاليب=تاريخه ابيض والمـلا شاهـدٍ لـه
وسلطان ابو خالد زبون المواجيب=سحابته فـوق الوطـن مستهِلـه
ونايف راع الوقفه بعيد المحاضيب=لاثقل حمل الكايـدات احتملـه
دون الوطن مثل السباع المعاطيب=هم درعه الضافي وسوره وظلـه
يبقون عـز للبـلاد ومعازيـب=وفوق العرب مثل النجوم المطلّـه
والعز باللي تبدي الشمس وتغيب=بامـره وحنـا دايمـاً نبتهـلّـه
يحفظ وطنا من جميـع التسابيـب=أرضه وحكامـه وشعبـه وكلّـه

‘‘ ‘‘ ‘‘ ‘‘ ‘‘ ‘‘ ‘‘

وسـلامـتـكـم

ابــن حبـشـان

25/12/1425 [/poem]