اسأل اللي ماحدٍ غيره يجيب
ياإله نسجد ونرجي رضاه
يرحم اللي كلمته حق مصيب
شاعرٍ له بالوفا وجهٍ وجاه
الكريم الشهم والفذ الاديب
مفقدٍ ماحدٍ بواصل مستواه
والله ماكلٍ بيفقد لو يغيب
كون من نبكيه من قبل الوفاه
ياقحطان المجد ياالجد العريب
يرحم الله ابن شايق وخوياه
العزا في نجد كنّه في طريب
والحزن في كل صوبٍ واتجاه
والعزا موصول للشعر الصويب
كل عامٍ ناصبٍ خيمة عزاه
والحقيقه ماعلى الدنيا غريب
ندري ان الموت من بعد الحياه
والختام النصح يالعقل اللبيب
الله الله في الصيام وفي الصلاه زيد وازع

__________________